PBA Finals: open sa batok depensa

CEBU, Philippines —  Sugdan na ang init nga engkuwentro tali sa duha ka koponan nga managlahi og estilo sa Game-1 sa best-of-seven finals series sa PBA Governors' Cup.

Ang Barangay Ginebra Kings ug Meralco Bolts mag-abot karon sa alas-7 sa gabii didto sa Smart Araneta Coliseum.

Ang duha misud sa finals gamit sa managlahing estilo o gameplay.

Ang Ginebra mipakita nga sila ang numero unong offensive team sa liga diin mi-average sila og 105.3 points sa playoffs nga mas dako itandi sa 98.5 points per game sa Meralco.

Hinuon, ang batos ni Norman Black namawi sa depensa diin sila ang gikahadlokan dihang igo lang mi-average og 90.8 points ang mga nakasangka nila,  timaan sa kalig-on sa ilang depensa.

Kini ang ikatulong higayon nga mag-abot sa finals ang duha diin giharos sa Ginebra ang duha ka duwa.  Apan si Black miingon nga buhaton nila ang tanan aron makabawi sila ning higayona.

Ang Meralco nga gibidahan nang daan ni kanhi best import Allen Durham, Chris Newsome ug Cliff Hodge magsalig  sa duha ka beterano nga    sila si Allein Maliksi ug Raymond Almazan nga ilang nakuha pinaagi sa trade.

Moatbang kanila ang    import sa Ginebra nga si Justin Brownlee nga nagkinahanglan sab og suporta sa mga lokal  sama nilang LA Tenorio, Japeth Aguilar, Scottie Thompson ug Stanley Pringle.