Warriors target ikaduhang puwesto
Emmanuel B. Villaruel (Banat) - October 22, 2019 - 12:00am

CEBU, Philippines — Magsolo sa ikaduhang dapit sa liderato maoy target sa  University of San Carlos (USC) Warriors  sa dihang ilang 

sangkaon ang University of San Jose-Recoletos (USJ-R) Jaguars sa 19th Cebu Schools Athletic Foundation, Inc. (CESAFI) men's 

basketball tournament karong adlawa diha sa Cebu Coliseum.

Kon ugaling molampus, labyan sa Warriors ang three-time defending champion University of the Visayas (UV) Green 

Lancers sa seniors division standings. 

Nagtabla sila karon bitbit ang parehong 6-3 win-loss records.

Sa pikas bahin, ang Jaguars nangiwit kay kaduha pa makadaog sud sa siyam ka duwa.

Sa dili pa magbangga ang Warriors ug ang Jaguars sa alas-6:45 sa gabii, ang tagsa-tagsa nila ka mga manghod   

magbugno una alang sa pasidunang duwa sa alas- 5:15 sa hapon.

Buot sa Baby Jaguars nga pahagayan ang ilang kapamya nga makataak sa semifinals. 

Human misukarap sa nag-una nilang upat ka duwa, nakaangkon pa og laing kinabuhi ang Baby Jaguars human 

makasagunson og tulo ka daog.

Sama sa Baby Jaguars, ang Baby Warriors nagkupot sab og 3-4 nga baraha. 

Sa kasamtangan, nagbarog sila sa ikapito ug ikaping dapit sa juniors division.

INC. CEBU SCHOOLS ATHLETIC FOUNDATION UNIVERSITY OF SAN CARLOS UNIVERSITY OF SAN JOSE-RECOLETOS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with