Durant kuli na makabalik sa Finals

CEBU, Philippines — Ang NBA legend ug karon analyst nga si Jalen Rose kumbinsido nga dili na moduwa sa NBA Finals si Golden State Warriors superstar  Kevin Durant.

Human sa kapildihan sa Warriors sa Game-4 batok sa Toronto Raptors kagahapon, si Rose namahayag nga gitago lang sa kadagkoan sa Warriors, apan ngitngit ang posibilidad nga makaduwa pa si Durant tungod sa injury niini sa tiil.

Ang Warriors maningkamot nga modaog sa Game-5 aron malugwayan ang series ug mahayagan ang tsansa sa gihandum nilang 'grandslam title.

Ang Game-5 dad-on og balik ngadto sa balwarte sa Raptors karong Martes.  

Dako ang pagduda ni Rose nga dili makaduwa si Durant  ilabi na nga wala pa sila'y nadungog nga balita nga milambo ang recovery sa injury niini. Imposible usab nga makaduwa dayon si Durant nga wala makaapil og practice uban sa Warriors.