Warriors, 2-0 na
Emmanuel B. Villaruel (Banat) - May 18, 2019 - 12:00am

CEBU, Philippines —  Miposte na og 2-0 bentaha ang Golden State Warriors human makaipsot batok sa Portland Trail Blazers, 114-111 sa Game-2 sa ilang 'best-of-seven' NBA Western Conference Finals kagahapon didto sa Oracle Arena sa Oakland,  California.

Si Stephen Curry mibugha og 37 puntos aron tabangan ang  Warriors nga makabangon human malubong og 17 puntos sa second half dayon na ngadto sa pagpukan sa Trail Blazers. 

Sa dihang nabiyaan pa gihapon sila og otso puntos sa nahibiling kuwatro minutos sa kulbahinam nga aksiyon, si Curry mipasiugda sa nagbagang 14-3 run nga maoy nahimong yawi sa Warriors pagkawat sa maong daog.

"We knew they were going to come out swinging," matud pa ni Curry nga milangkat sab og walo ka rebounds ug mipasa og walo ka assists. "They gave us a great punishing. That third quarter was unbelievable. It was a true testament of everyone on the team."

Ang gipasabot ni Curry mao ang gipabuto nilang 39 puntos sa ikatulong kuwarter nga nakapalagsik og balik sa ilang dugo sa panahon nga giaksiyonan sila og kulata sa Blazers.

Ang duha ka free throws ni Curry nagduso sa Warriors ngadto sa 110-108 nga bentaha, apan ang iyang manghod nga si Seth Curry miposa og tres aron pagpalabaw og balik sa Blazers, 111-110. Sa sunod nga posisyon, si Kevon Looney nakaiskor pinaagi sa usa ka alley-oop dunk nga nakapaabante og usab sa Warriors, 112-111 sa nahibiling 52 segundos. Samtang wala makatubag ang Blazers, gipahimuslan ni Draymond Green ang kahigayonan pinaagi sa pagpasud sa iyang lay-up sa nahibilin nga 12 segundos aron pagsilyo sa makutas nilang daog.

Si Klay Thompson mihipos og 24 puntos, samtang sila si Green, Looney ug Jordan Bell nagkumbinar og 41 puntos alang sa Warriors.

Sila si Damian Lillard ug C.J. McCollum nagkumboya'g 45 puntos sa pilderong Portland  nga maoy mo-host sa Game-3 karong Domingo.

GOLDEN STATE WARRIORS NBA PORTLAND TRAIL BLAZERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with