^

D' Barrs Catering hingpit nang miabante sa semifinals

Yoyo R. Abayan (Banat) - February 7, 2019 - 12:00am

CEBU, Philippines – Ang D'Barrs Catering walay puangod nga milubong sa  inosente nilang kaatbang nga D'Innocent, 102-77 sa quarterfinals sa NorthBall  2K19  (6-feet under) basketball tournament niadtong Domingo didto sa Sabang gym, Dakbayan sa Danao.

Sa maong kadaogan, ang no. 2 nga D'Barrs Catering hingpit na nga  miabante sa semifinals sa bracket B uban ang 3-2 win-loss record.

Si Arlo Dumangcas maoy dakong papel sa maong kadaogan nga mitala og 21 puntos. Siya sab ang gitahod isip 'best player of the game.'

Human sa 48-47 nga bentaha sa halftime, ang D'Barrs Catering mikalingaw og bingat sa ilang  labaw  ngadto  na sa 10 puntos, 73-63 pagtapos sa third period.

Pabiling nagdilaab ang kainit sa D'Barrs Catering hinungdan nga miburot pag-ayo ang ilang labaw. Samtang nagkagamay ang oras, nagkadako sab ang labaw sa D'Barrs Catering nga nakakuha sab og suporta gikan ni Winston Bravo nga midagkot og 19 puntos.

Laing nakaiskor og double figures mao sila si Jaysar Esperat ug Roland Hermosilla nga parehong mihaling og 16 puntos.

Ang natagak nga D'Innocent gipangulohan ni Kennith Pareja nga mipaksit og 20 puntos, gisundan ni Nidand Calo nga mitikdol og 17 puntos ug Frances Romeral nga mitimang og 15 puntos.

 Sa laing aksiyon, ang Team ABAI mipalagpot sab sa Selaroma pinaagi sa pagpilde sa iskor nga 94-88.

 Gipangulohan sa best player niining si JP Dugenio ang kadaogan pinaagi sa iyang 25 puntos, gisundan ni Rory Paspie nga miambit og 23 puntos.

Bisan pa sa maong kadaogan, mameligro gihapon ang sitwasyon sa Team ABAI ug posibleng pa nga matagak.

Mibagnos unta og 29 puntos si Joshua Edano, apan nausik lang kay nanamilit na ang Selaroma nga wala gyu'y dag-anan gikan sa pagsugod hangtod nahuman ang duwa.

Ang liga gipadagan ni Thirdy's Jersey.

PUNTOS MATAG USA

Unang duwa:

ABAI (94) – Dugenio 25, Paspie 23, Basanez 13, C. Avancena 10, Ramirez 8, Avancena 7, Biosano 6, Muralla 2.

SELAROMA (88) – Edano 29, Caballero 28, Ybañez 12, Lawas 8, Melendres 5, Oliva 4, Calo 2.

Ikaduhang duwa:

D'BARRS (102) – Dumangcas 21, Bravo 19, Esperat 16, Hermosilla 16, Roble 8, Meca 6, Paradiang 5, Ramoneda 5, Casas 3, Cahigas 3.

D'INNOCENT (77) – Pareja 20, Calo 17, Romeral 15, Desamporado 9, Tudio 7, Maning 5, Cabatingan 2, Montero 2. 

D' BARRS CATERING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with