Cousins miapil na practice sa Warriors

CEBU, Philippines – Sa dili madugay,  moduwa na si All-Star center DeMarcus Cousins sa labing unang higayon sa Golden  State Warriors dihang miapil na kini og practice sa koponan.

Si Cousins katapusang miduwa niadto pang miaging season sa wala pa siya  makaangkon og achilles injury dihang didto pa siya sa New Orleans Pelicans.

Nasayran, nga ang Warriors  gikahadlokan og maayo dihang mipirma og usa ka tuig nga kontrata  si Cousins atol sa off-season, apan posible nga sa sayong bahin sa sunod tuig na kini mopakita'g aksiyon.

Gawas sa shooting drills, ang six-time All-Star nakit-an usab nga miapil sa 5-on-5 game atol sa team practice sa Santa Cruz Warriors, ang G-League team sa Golden State niadtong Martes.

Sa pagduwa ni Cousins, ang Warriors aduna na'y lima ka All-Stars sulod sa korte uban nila ni Stephen Curry, Kevin Durant, Klay Thompson ug Draymond Green.

Tan-awon pa hinuon kun mohaom ba si Cousins  sa Warriors nga gihulagway nga usa ka three-point shooting team.