Butler gusto na mOhawa sa Minnesota

CEBU, Philippines – Wala  na  kaagwanta si  All-Star  Jimmy Butler sa Minnesota Timberwolves ug wala kini lipudlipod nga mipadayag  nga gusto na siyang mobalhin og laing koponan sunod season.

Si Butler anaa na sa ikalima niyang tuig sa kontrata uban sa Timberwolves, apan giklaro niya nga dako ang tsansa nga magsul-ob siya og laing uniporme sa sunod season sa NBA nga buksan sunod bulan.

Gikataho sa NBA.com, nga si Butler nakigkita sa iyang head coach nga si Tom Thibodeau ug  mipahibalo sa iyang tuyo nga magpa-trade.

Ang 29-anyos nga si Butler miingon nga  kun i-trade siya sa T-Wolves gusto niya nga mapunta sa New York Knicks, Brooklyn Nets o dili ba Los Angeles Clippers.