Mexican challenger ni Ancajas
Ang Mehikano nga si Alejandro Santiago Barrios ang sunod nga musuway pag-ilog sa bakus ni IBF junior bantamweight champion Jerwin Ancajas sa Septiyembre 29 didto sa California.
Kini ang ikatulong title defense ni Ancajas karong tuiga human niya kini mapanalipdi batok nila ni Mexican Israel Gonzales ug ALA boxer Jonas Sultan.
Weightlifters ganado sa Asiad
Naghinam-hinam na ang mga pambatong weightlifters sa nasud nga sila si Hidilyn Diaz, Nestor Colonia ug Kristel Macrohon nga moduwa sa Asian Games didto sa Indonesia.
Labing gisaligan sa Philippine team si Diaz kinsa silver medalist sa miaging Rio Olympics.
Kasaysayan ni Etheridge
Mihimo og kasaysayan ang Fil-British nga si Neil Etheridge human siya nahimong labing unang player nga adunay dugong Pinoy nga moduwa sa Premier League, ang labing sikat nga liga didto sa United Kingdom.
Si Etheridge kinsa gikuhang goal keeper sa Cardiff City, sinaligan usab sa Philippine Azkals.
- Latest
