Cosmo mopasiugda'g "run for your loved ones"
CEBU, Philippines – Ang Cosmopolitan Funeral Homes, Inc. (CFHI) mopasiugda og charity run nga pagaulohan og "Run For Your Loved Ones" karong Hulyo 29 nga manukad diha sa Cebu IT Park ug matapos sa Plaza Independencia.
Kabahin sa kasaulogan sa ika-70 nga anibersaryo sa CFHI, ang lumba aduna la'y usa ka kategoriya ug kini mao ang 5K, apan bahinon sa tulo ka age bracket, 25-below, 30-above ug open category.
"This is something that we are doing for our 70th year in Cosmopolitan. We dedicate this to those that have passed on," matud pa ni CFHI Vice President for Business Development Cathleen Newnette Dychangco Arizani. "For Cosmo, it's a unique race because other than dedicating this to your loved ones, we have also special surprises on board."
Ang kuwarta nga matigom sa lumba itabang sa mga kabus nga walay pinuy-anan dinhi sa Sugbo. Gawas pa niini, ang Cosmo mohimo sab og feeding programs, mangrove planting ug barangay cleaning.
Ganting salapi ug medalya ang ihatag sa mga mananaog. Ang kampiyon sa matag age bracket makadawat og P5,000, samtang ang mopahiluna sa ikaduhang ngadto sa ikalima mobulsa og P4,000, P3,000, P1,000, ug 500 matag usa.
Niadtong dili makadaog sa lumba, adunay kahigayonan nga modaog sa raffle draw human sa dagan.
Sa gustong mosalmot, mahimong magpa-rehistro sa tanang sangang buhatan sa Cosmopolitan Funeral Homes, Runnr sa Ayala, Tobby's Sport sa SM ug Anzani Restaurant.
- Latest
