CEBU, Philippines — Nakabig dayon si Gilas Pilipinas coach Chot Reyes sa gipakitang abilidad ni 7-foot-1 Isaiah Austin atol sa unang adlaw niini nga ensayo uban sa nasudnong koponan niadtong miaging gabii didto sa Meralco Gym.
Si Austin maoy gikuhang import sa Gilas Pilipinas sa umaabot nga FIBA Asia Champions Cup nga sugdan sunod semana didto sa China.
Ang kanhi top NBA rookie prospect, mipakita sa iyang abilidad sa shooting ug rebounding nga maoy gikinahanglan sa national team aron molahutay alang sa ilang kampanya sa Olympics ug World Cup.
Si Austin nahimo sab nga import didto sa China. Kun hapsay ang dagan sa iyang naturalization nga padayon karong gihikay, siya ang mohulip ni ex-NBA cager Andray Blatche. (BANAT NEWS)