_banat
^

PSC mibahad NSA ug POC

Emmanuel B. Villaruel (Banat) - February 12, 2017 - 12:00am

CEBU, Philippines - Ang Philippine Sports Commission pinaagi sa tsirman niining si William ‘Butch’ Ramirez mibahad nga mopahamtang og silot ngadto sa mga nagpabadlong nga National Sports Associations (NSAs) ug ingon man mismo ang Philippine Olympic Committee kun ugaling dili niini maresulba ang mga isyu ug kontrobersiya nga naghamok kanila.

Sa opisyal nga pamahayag sa iyang Fabebook page kagahapon, si Ramirez mipahinumdum nga sukad milingkod si Presidente Rodrigo Duterte sa iyang katungdanan niadtong Hulyo 1, 2016, ila nang gipahimangnuan ang mga NSAs nga korehian ang daghan kaayo niining mga sipyat ug kalapasan apil na niini ang pag-liquidate sa wala nila mahusay nga hinabang pinansiyal gikan sa PSC ug ingon man resulbahon ang panagbangi sa liderato sa mga  nagpaugat nga lider sa pipila ka NSAs.

Gihisgutan sab ni Ramirez kadtong mga gi-bully ug giabuso nga mga atleta nga gipapahawa sa national team bisan og wa’y saktong proseso ug igong basihan gumikan lamang sa grabeng politika ug kurapsiyon nga mipasulabi karon sa POC.

Alang ni Ramirez, kining  matang sa mga hokus-pokus nga nagpasulabi karon sa POC maoy hinungdan sa nagusbat nga imahe sa Philippine sports ug ingon man sa nagkasukarap nga salida sa mga Pinoy’ng atleta sa mga international competitions diin bisan na lang gani sa Southeast Asian Games nga kanhi nato gidominaran, apan karon wala na kita manemaho.

Mao kini ang hinungan nga mitingkag ang dunggan ni Ramirez dayong bahad og silot ngadto sa mga sad-an ug badlungon nga mga lider sa paugnat sa kusog sa nasud.

Aron palig-onon ang ilang kawsa, si PSC commissioner Ramon Fernandez mianunsyo nga sila miporma og Grievance and Arbitration Committee nga pangulohan ni Acting Executive Director Carlo Abarquez ug PSC Legal Consultant Ramsey Quijano.Ilang imbestigahon ang panagsungi sa mga opisyal  sa NSAs ug ingon man ugkaton ang mga reklamo sa mga atleta ug coach batok sa mga opisyal nga naghupot kanila.

Gipasabot ni Quijano nga dunay legal nga basihan ang PSC sa ilang aksiyon gumikan kay nalatid man kini sa mandato sa komisyon nga nalatid sa RA 6847 kon PSC act. (BANAT NEWS)

PSC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with