Philippine volleyball team silver ang tuyo sa 2017 SEAG

CEBU, Philippines - Silver medal maoy gisaytan sa bag-ong natudlong  coach  sa national men’s volleyball team nga si Sammy Acaylar sa ila unyang pagsalmot sa 29th Southeast Asian Games sa Agosto didto sa Kuala Lumpur, Malaysia.

Si Acaylar gilauman nga mopabalik sa kabangis sa volleyball team sa nasud sa SEA Games human sab  siya nahimong coach sa 1991 team nga midaog og bronze medal sa SEAG nga dinhi gipahigayon sa Pilipinas.

Isip unang lakang aron matuman ang maong misyon, si Acaylar miingon nga mangita siya og mga players dili lang sa kaulohan, apan sa ubang dapit sa nasud aron makaporma siya og lig-ong koponan.

Sa miaging 2015 SEAG didto sa Singapore, ang  Phl team wala manimaho. (BANAT NEWS)