^

Banat Palaro

Thunder mipakaging sa Bulls

Emmanuel B. Villaruel - Banat

CEBU, Philippines - Usa na lang ta ka rebound ang kuwang ni Russell  Westbrook alang unta sa ika-18 niyang triple-double karon nga season, apan nagmaya gihapon siya human niya giagak ang Oklahoma City Thunder ngadto sa 109-94 nga kadaugan batok sa Chicago Bulls sa NBA kagahapon  didto sa United Center sa Chicago, Illinois.

Ang NBA scoring leader mipadahunog og 21 puntos uban ang 14 ka assists ug siyam ka rebounds sa ikaupat nga duwa diin siya nakuwangan lamang og usa ka rebound aron maka-triple double.

Gawas ni Westbrook, lain pang tulo ka batos sa Thunder ang nakakulit og double figures. Ang sentrong si Steven Adams mihipos og 22 puntos, si Enes Kanter midugang og 20 puntos ug si Victor Oladipo adunay 13 puntos alang sa Thunder nga wala na mopaginhawa pa sa Bulls human miposte og 61-46 nga labaw sa halftime.

Napiangan hinuon ang Bulls gumikan kay nayayay ang usa sa alas niini nga si Jimmy Butler. Bisan og dili maayo ang iyang paminaw, mipugos og duwa si Butler, apan igo lang midaro og uno punto sud sa 29 minutos niya nga pagduwa.

Ang beteranong si Dwyane Wade mipupo og 22 puntos, samtang sila si Michael Carter-Williams, Jerian Grant ug Cristiano Felicio nagkumboya’g 37 puntos sa pilderong Bulls.

Didto sa New York, si Anthony Davis mipabuhagay og 40 puntos uban ang 18 ka rebounds ug tulo ka blocks sa dihang gipakaging sa New Orleans Pelicans ang Knicks, 110-96.

Sa sinugdanan pa lamang dehado na ang Knicks kay misteryosong wala mibutho sa ilang duwa ang pambato nilang point guard nga si Derrick Rose (Basaha ang lahi nga estorya).

Misamot pa ang kalbaryo sa Knicks sa dihang ang ilang star forward nga si Carmelo Anthony na-ejected sa nanghinapos nga bahin sa ikatulong kuwarter human makiglalis sa mga reperi.

Sa lain pang aksiyon, si Karl-Anthony Towns mikadlit og 34 puntos ug 11 ka rebounds sa dihang ang Minnesota Timberwolves mipilde sa  Dallas Mavericks, 101-92. (BANAT NEWS)  

RUSSELL WESTBROOK

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with