CEBU, Philippines - Giatngan sa kinabag-an kun mahinayon ba ang kontrobersiyal nga eleksiyon sa Philippine Olympic Committee nga gitakda karong Biyernes.
Nasayran nga usa ka temporary restraining order (TRO) ang gipasaka ni ABAP chief Ricky Vargas ngadto sa korte aron matuis ang unang hukom sa POC election committee nga dili siya padaganon kay dili siya “eligible” sa maong posisyon.
Lakip usab sa maong TRO ang pagsibog sa maong eleksiyon kun dili gani makapanaog og hukom ang korte karong Biyernes.
Sa taho sa The Philippine STAR, ang hearing mahitabo karong adlawa ug kun mahukman nga makadagan si Vargas, hayan madayon sa Biyernes ang piniliay.
Si Vargas mao ang bugtong kontra unta ni incumbent POC president Jose ‘Peping’ Cojuangco Jr., kinsa maoy nagkupot sa maong posisyon sud na sa 12 ka tuig. (BANAT NEWS)