^

Banat Palaro

James mipatik na sab og kasaysayan

Emmanuel B. Villaruel - Banat

CEBU, Philippines - Ang defending NBA champion Cleveland Cavaliers mipakaging sa Washington Wizards, 105-94 sa mahinungdanong adlaw diin ang ilang alas nga si LeBron James mitala na sab og laing kasaysayan.

Sa edad nga 31-anyos ug 317 ka adlaw, si James maoy nahimong labing bata nga player sa NBA nga nakaabot og 27,000 puntos. Iyang nalabwan ang retiradong bitoon sa LA Lakers nga si Kobe Bryant nga naangkon ang maong dungog sa edad nga 32-anyos ug 160 ka adlaw.

“It’s an unbelievable feat,” matud pa sa teammate ni LeBron nga si Kyrie Irving nga  maoy nangu sa Cavs uban sa iyang 29 puntos.

Si James mitapos og 27 puntos, 10 ka rebounds ug lima ka assists sa Cavs nga dali nga nakabangon sa labing una nilang pilde karon nga season aron pag-inat sa ilang baraha ngadto sa 7-1.

Sa laing aksiyon, si Demar Derozan milansang og 10 sa iyang 34 puntos sa katapusang kuwarter aron paggiya sa Toronto Raptors ngadto sa kulbahinam nga kadaugan batok sa Charlotte Hornets, 113-111.

Ang point guard nga si Kemba Walker mipabuto og 40 puntos uban ang 10 ka rebounds ug unom ka assists, apan nakawang ang iyang paningkamot sa Hornets, kansang upat ka sunod-sunod nga daog nabugto.

Sa ubang resulta, ang rookie nga sentro nga si Joel Embiid mipatuasik og 25 puntos alang sa Philadelphia 76ers nga midaog na gyud human gipiog ang Indiana Pacers, 109-105.

Sila si Damian Lillard ug CJ McCollum nagkumboya og 67 puntos sa dihang nakaipsot ang Portland TrailBlazers batok sa Sacramento Kings sud sa overtime, 122-120, si Blake Griffin dunay 25 puntos sa dihang gipukan sa Los Angeles Clippers ang Oklahoma City Thunder, 110-108. (BANAT NEWS)

JAMES

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with