_banat
^

Banat Palaro

7 nagsawo sa liderato sa CEPCA tourney

Banat

CEBU, Philippines - Sila si National Masters Merben Roque ug Rommel Ganzon nakigsawo sa liderato uban sa lain pang lima ka mga entrante human sa upat ka hugna nga aksiyon sa Cebu Executives and Professionals Chess Association (CEPCA) 26th Anniversary Cup niadtong Sabado didto sa Robinsons Galleria Cebu.

Si Roque, nga kanhi Shell Active Youth national champion, miwani sa batan-on apan talentadong si Chris Aldritz Pondoyo, samtang si Ganzon mibugha ni reigning CEPCA grand champion Rogelio Enriquez sa miagi ning mga duwa.

Sila si Roque ug Ganzon nagtabla karon bitbit ang 4.0 puntos uban nilang Diego Abraham Caparino, Carlos Moreno III, Mario Mangubat, Jethro Esplanada ug Venancio Loyola.

Sila si FIDE Master Anthony Makiano, Jimmy Ty, Alan Pason, Aller Somosot, Ronald Ganzon ug Hector Villamor ni-okupar sa ikawalo hangtud sa ika-13 nga puwesto uban sa ilang 3.5 puntos, samtang sila si International Master Kim Steven Yap ug NMs Arnold Cadiz ug Leonardo Alidani maoy nangu sa 19 ka players nga dunay 3.0 puntos.

Ang duha ka adlaw nga hinashasay nga nagsubay og 9-round Swiss system format modalit og kapin sa P60,000 nga ganting salapi ngadto sa mga mananaog.

Ang makampiyon sa open division mobira og P10,000, samtang ang malandig gikan sa ikaduha ngadto sa ikalimang puwesto mobulsa og P7,000, P4,000, P3,000 ug P2,000.

Duna say madawat ang motapos gikan sa ikaunom ngadto sa ika-26 nga dapit ingon man ang top 3 ladies, Cepcans sa category A ug B ug kiddies 10-under ug 15-under age groups. EBV (BANAT NEWS)

CEPCA TOURNEY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with