^

ABZ internet cafe gidemolis

Ehda Dagooc (Banat) - September 4, 2016 - 12:00am

CEBU, Philippines - Wala pa gihapon makatilaw og daog sud sa tulo ka duwa ang ABZ Internet Cafe dihang gidemolis sila sa RMM Farm, 95-74 sa Los Amigos Basketball Tournament 2016 1st Durban Cup   niadtong Biyernes sa gabii didto sa Talit’s Garden Countryside open court sa Tayud, Liloan.

Pirme untang naglabaw ang ABZ Internet Cafe  sa unang duha ka kuwarter, gani mirehistro  sila sa ilang kinadak-ang labaw nga 20 puntos, 39-19 sa second period sa pagpangulo ni Junjun Sabang sa abag nilang Reyden Villaronza, Arnel ‘Cdu’ Pepito ug Francis.  Apan pag-abot sa fourth quarter naluya na sila  ug bugtong si Mark Louie Pepito na lang ang miwadwad og maayo alang sa ABZ Internet Cafe.

Samtang nagkagamay ang oras, nagkahilis sab ang  labaw sa ABZ  Internet Cafe hangtod nga nailog gyud sa  RMM Farm ang tungason nga kadaugan.

Ang team owner mismo sa ABZ Internet Cafe nga si Junjun Sabang maoy nangu sa iyang koponan nga mikamada’g 15 puntos, gisundan ni Villaronza nga adunay 14 puntos ug nilang Arnel Cdu ug Joel ‘Boboy’ Cobrado nga mitimbre’g 10 puntos matag usa.

Unom ka players ang miiskor og double figures alang sa RMM Farm ni team owner Roel Marantan. (BANAT PALARO)

RESTAURANT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with