Tabal wala pa’y klaro makarepresentar sa nasud sa RIO Olympics
Emmanuel B. Villaruel (Banat) - June 1, 2016 - 12:00am

CEBU, Philippines - Bisan pa og nakuha na niya ang Olympic qualifying time atol sa Ottawa Marathon didto sa Canada niadtong Domingo sa gabii, wala pa gihapo’y kasiguroan si Cebuano long distance running star Mary Joy Tabal nga makarepresentar sa Pilipinas sa Rio Olympics nga gikatakda karong Agosto didto sa Rio de Janiero, Brazil.

Ang atleta sa Motor Ace Phls/Kawasaki nakaangkon og luna sa Rio human mitala og duha ka oras, 43 minutos ug 31 segundos nga sud kaayo sa Olympics time nga 2:45. Sa kinatibuk-an, mitapos siya sa ikawalong dapit sa female category.

Gawas pa niini, gibuak sab niya ang iyang personal best nga 2:48 nga iyang narehistro sa malampuson niyang pagdepensa sa iyang korona sa National Milo Marathon sa miaging tuig didto sa kaulohan.

Bisan tuod og ilang gipahalipayan si Tabal sa nakab-ot niining dungog, ang pangulo sa Philippine Amateur Track and Field Association nga si Philip Ella Juico nagkanayon nga si Tabal mag-agi pa og proseso sa dili pa kini tugotan nga makapakita’g aksiyon sa Rio.

Mipasalig hinuon ang kanhi Philippine Sports Commission chairman nga dili nila apikihon si Tabal.

Nagkanayon si Juico nga unang buhaton ni Tabal mao ang magpalista og balik sa national team. Kahinumduman, nga si Tabal mibiya sa Philippine team human makatunol og silver medal sa nasud sa 2015 Southeast Asian Games didto sa Singapore.

Ikaduha mao ang pagpresentar og mga rekord o sertipikasyon kabahin sa iyang nakab-ot didto sa Canada. Human niini, ang PATAFA mohimo og beripikasyon ug dayon magtigum aron timbang-timbangon kun angayan pa siyang ibalik sa Phl team.

Kun ugaling buligan og maayong kapalaran, si Tabal mokulit og kasaysayan isip labing unang Pinay  marathoner nga makaapil sa Olympics. (BANAT NEWS)

CEBU
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with