Wildcats napukan sa Jaguars, nakabangon batok sa Webmasters
Bot Glorioso, Yoyo R. Abayan (Banat) - January 25, 2016 - 9:00am

CEBU, Philippines – Parehong milawog og 20 puntos sila si Jaybie Mantilla ug Ralph Dinolan alang sa University of San Jose-Recoletos (USJ-R) Jaguars nga nakaipsot batok sa J. Espina Wildcats, 86-84  sa nagkainit nga aksiyon sa 1st Capt. Raul Cabanero Inter-collegiate  Basketball  League  niadtong Sabado sa gabii didto sa Bulacao Sports Complex, dakbayan sa Talisay.

Ang maong kadaugan maoy ikaduha alang sa Jaguars, kinsa mipamatuod  nga sila maoy bangis batok sa Wildcats.

Laing duha ka players  ang miiskor sab og double figures alang sa Jaguars  nga nagtangag na karon og 2-1 nga baraha.

Ang  J. Espina gipangulohan ni Joshua Dela Cerna nga miantog og 26 puntos, si Wilkin Sanchez miambit og 16 puntos, samtang si Mark Christian Kong mitampo’g 11 puntos.

Dali hinuon nga nakarekober ang J. Espina  sa maong kapildihan dihang ilang gipahimungtan ang  University of Cebu (UC) Webmasters, 98-95  sa duwa nila niadtong Domingo.

Sa gilauman, si Joshua Romelle Dela Cerna mao gihapon ang nangulo sa opensa  sa  J.  Espina sa iyang game-high nga 36 puntos.

Ang J. Espina nga  nagbitbit og 2-2 nga baraha nakakuha sab og suporta gikan nilang John Anthony Lucena ug Steven Bucao nga  miratsada’g 20 ug 11 puntos.

Si Justine Dacalos mao sab ang nangu sa UC nga mikamada’g 17 puntos.

Bugtong ang UC na lang sa unom ka teams ang wala  pa makatilaw og daog ning maong torneyo nga gisuportahan sab sa Bulacao Barangay Council ubos sa liderato ni Bulacao Brgy. Capt. ug Talisay City ABC president Raul Cabanero ug sa SK Task Force.

Ang mga duwa gipadagan nilang konsehal Banjo Abastillos, Darwin Cabanero ug Agnes Lastimosa inabagan sa CEBRA sa pagpangulo ni Edwin Dejacto Sr.

Sa pasiunang duwa niadtong  Sabado ubos sa Inter-sitio division, ang Villaberna midemolis sa Friendly Homes sa iskor nga 75-63.

Puntos Matag Usa

Unang duwa

Villaberna (75) – Miñoza 26, Abao 15, Calledo 13, Alibio 10, Recomes 6, Adlawan 5.

Friendly Homes (63) – Daradar 17, Depareine 8, Rizzare 7, Badayos 4, Racaza 4, Bacacao 3, Saban 3, Perolino 2, Bacasmas 2, Yosores 2, A. Bacasmas 2, Jorgio 2, Marturillas 2, Labandero 2.

Ikaduhang duwa

USJ-R (86) – Mantilla 20, Dinolan 20, Hanginan 16, Villafranca 11, Piromingan 9, Baylohan 6, Navarra 4.

J. ESPINA (84) – Dela Cerna 26, Sanchez 16, Kong 11, Pono 9, Lucena 8, Dimco 7, Bucao 3, Muñez 2, Maglasang 2.

Duwa niadtong Domingo

J. ESPINA (98) – Dela Cerna 36, Lucena 20, Bucao 11, Kong 9, Pono 7, Espina 6, Sanchez 3, Taghoy 2, Maglasang 2, Muñez 2.

UC (95) – Dacalos 17, Delator 14, Puerto 13, Jabello 13, Culango 10, Mayol 8, Codilla 6, Tagudin 4, Suelto 3, Santander 3, Grasilo 2, Villegas 2. (BANAT NEWS)

ACIRC AGNES LASTIMOSA ANG ATILDE DELA CERNA ESPINA FRIENDLY HOMES NBSP NGA PUNTOS STRONG
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with