_banat
^

USJ-R Jaguars mipilde sa UC Webmasters

Bot Glorioso, Yoyo R. Abayan (Banat) - January 19, 2016 - 9:00am

CEBU, Philippines – Ang University of  San Jose-Recoletos (USJ-R) Jaguars mipahamtang sa University of Cebu UC) Webmasters sa ikaduhang sunod-sunod nga kapildihan  sa pagbalik sa aksiyon sa   1st Capt. Raul Cabanero Inter-collegiate Basketball Tournament.

Gidominar sa USJ-R Jaguars ang duwa aron pagpukan sa UC Webmasters, 91-83 niadtong Lunes sa gabii didto sa Bulacao Sports Complex, dakbayan sa Talisay.

Si Ralph Jude Dinolan  mikawhat og 16 puntos aron pangulohan ang Jaguars, kinsa  nagtangag og 1-0 nga baraha. Laing unom niya ka teammates ang miiskor sab og double figures sa maong kadaugan.

Kumbati pa kaayo ang duwa sa unang tulo ka kuwarter, apan naabtan sa demalas ang Webmasters sa fourth quarter.

Demalas sab kaayo si Garciano Puerto Jr. nga igo lang  mihimo’g sayes puntos.

Ang liga nahimo pinaagi sa paningkamot ni Bulacao Brgy. Capt. ug Talisay City ABC President  Raul Cabanero inabagan sa iyang mga konsehales nga sila si Banjo Abastillas,   Darwin Cabanero ug  Agnes Lastimosa.

Ang liga gidumala  sa Cebu Basketball Referee Association (CEBRA) sa pagpangulo ni CESAFI head referee Edwin Dejacto Sr.

Puntos Matag Usa

USJ-R (91) – Dinolan 16, Costas 11, Hanginan 11, Mantilla 10, Villafranca 10, Peromingan 10,  Navarra 10, Trangia 6, Bayhonan 5, Jopia 2.

UC (83) – Delator 19, Villarta 15, Culango 13, Dacalos 10, Puerto 6, Suelto 6, Mayol 5, Jabello 3, Codilla 2, Tagudin 2. (BANAT NEWS)

AGNES LASTIMOSA ANG ANG UNIVERSITY BANJO ABASTILLAS BASKETBALL TOURNAMENT BULACAO BRGY BULACAO SPORTS COMPLEX CAPT NBSP STRONG WEBMASTERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with