Tabal mikulit og kasaysayan sa Milo Marathon

(Banat) - December 6, 2015 - 9:00am

CEBU, Philippines – Ang garbo sa mga Sugbuanon nga si Mary Joy Tabal mikulit og kasaysayan human gilangkat ang korona sa ikatulong sunod-sunod nga higayon sa women's division sa 39th National Milo Marathon nga gipahigayon sa labing unang higayon kagahapon didto sa Clark Development Corporation compound sa Angeles City, Pampanga.

Pakyas man tuod siya pagkab-ot sa qualifying time nga duha ka oras ug 42 minutos alang sa 2016 Rio Olympics apan ang labing mahinungdanon kang Tabal mao nga nagpabilin gihapon siyang rayna sa Philippine marathon sa tulo ka sugonson nga tuig.

Gawas nga wala makakuha og awtomatik nga luna sa Olympics, pakyas sab si Tabal nga buk-on ang iyang record sa pipila lamang ka segundos nga gintang.

Naka-apekto hinoon sa iyang performance ang kalit nga pagbunok sa uwan. Bisan pa man niini, mipatigbabaw gihapon si Tabal sud sa duha ka oras, 48 minutos, ug 24 segundos.

Ang SEA Games silver medallist maoy second overall sa women's international nga gidominar ni Kenyan Elizabeth Rumokol sa oras nga 2:43:45. Ang kababayan ni Rumokol nga si Margaret Nj Kona maoy na-3rd sa oras nga 2:49:32.

Duna pa hinooy tsansa ni Tabal nga mo-qualify sa Olympics sunod tuig didto sa Brazil pinaagi sa Boston Marathon diin siya gikatakda nga mosalmot sunod tuig agig insentibo sa pagdaog niya sa Milo Marathon.

Ang kanhi Cebu road running queen nga si Mary Grace de los Santos, alang ikaduhang labing paspas nga Pinay, mitapos sa ikaupat nga dapit sa oras nga 3:02:20.

Ang Cebu leg champion nga si Ruffa Sorongon igo lamang nakataak sa ikasiyam sa oras nga 3:25:26, samtang ang lain pang Sugbuanon nga si Miscelle Gilbuena maoy nagkumpleto sa top 10 sa oras nga 3:27:25.

Sa men's division, ang pambato sa Sugbu nga si Noel Tillor igo lamang nalandig sa ikalimang puwesto sa oras nga 2:39:01. Si Raphael Poliquit milampos pagpanalipod sa iyang titulo sa oras nga 2:36:12. (BANAT NEWS)

ANG ANG CEBU ANGELES CITY BOSTON MARATHON CLARK DEVELOPMENT CORPORATION KENYAN ELIZABETH RUMOKOL MARGARET NJ KONA MARY GRACE NGA ORAS TABAL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with