_banat
^

Banat Palaro

Gethsemane nagpabiling kampiyon

Bot Glorioso, Yoyo R. Abayan - Banat

CEBU, Philippines - Mipauwan og 14 ka three points ang Gethsemane aron magkapunga-punga ang Council 13190 Taytay, Danao City  sa finals, 95-76 ug ingon man  mapanalipdan ang ilang korona sa Columbus Day 2015 basketball tournament niadtong Oktubre 11  didto sa Panphil B. Frasco Memorial Sports Complex sa lungsod sa Liloan, Cebu.

Si Tabasa maoy kinadaghanang tres nga napasud nga adunay pito alang sa iyang  23 puntos aron sab pangulohan niya ang opensa sa Gethsemane ni coach Cesar Lee ug Grand Knights Eustaquio Seno.

Nahibaw-an na ang sangpotanan sa Gethsemane dihang misutoy sila ug  mitarok og 14 puntos sa first period, 32-18.

Gihinay-hinayan og inat ang ilang labaw sa second quarter hangtod nga miabot kini og 22 puntos gikan sa tres ni Montoy Singson, 73-51 sa hinapos nga bahin sa third period.

Napahakan hinuon sa makadiyot ang labaw dihang mi-rally ang Taytay, Danao sa pagpangulo ni Tonton Durano. Apan gitubag sab dayon kini sa Gethsemane sa final quarter ug samtang nagkagamay ang oras, nagkadaku sab ang labaw.

Laing mipakita og maayong performance sa Gethsemane mao silang James Relampagos ug Chuck Rosal nga parehong miantog og 20 puntos, samtang si Singson miamot og 17 puntos lakip ang lima ka triplesnga nakahatag og dakung danyos ngadto sa Taytay, Danao.

Ang Taytay, Danao ni coach Pepe Hermosilla ug Grand Knights Virgilio Tarongoy gipangulohan ni Durano, kinsa mipugnit og 22 puntos, samtang laing duha niya ka teammates ang mihimo sab og double figures alang sa Taytay, Danao nga wala gyud makatilaw og labaw.

Sa pasiunang duwa, ang Fatima Parish (7101) sa Basak, Mandaue milubong sab sa Cathedral, 72-50 aron maangkon ang ikatulong dapit.

PUNTOS MATAG USA

GETHSEMANE (95) – Tabasa 23, Relampagos, 20, Rosal 20, Singson 17, Pua 7, C. Seno 3,

Montesclaros 2, Jo. Jacalan 2, Je. Jacalan 2, N.  Seno 2, M. Seno 2, R. Seno 2.

TAYTAY, DANAO (76) – Durano 22, Hermoso 12, M. Jopia 11, Quimco 9, Camus 9, J. Jopia 7,  (BANAT NEWS)

ANG ANG TAYTAY CESAR LEE CHUCK ROSAL COLUMBUS DAY DANAO DANAO CITY DURANO SENO STRONG TAYTAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with