20th Milo Little Olympics buksan na
CEBU, Philippines - Sa dili pa ang init nga kompetisyon, dul-an sa 5,000 ka mga atleta, coaches ug officials ang makasaksi og engrandeng opening ceremony sa 20th Milo Little Olympics sama sa sikat nga Dinagyang Festival didto sa Iloilo Sports Complex.
Sa adlaw’ng Biyernes pa opisyal nga magsugod ang mga duwa sa Milo Olympics, apan masaksihan na ang mga atleta gikan sa nagkadaiyang rehiyon sa nasud atol sa ilang parada sa opening ceremony karong adlawa.
Kini ang unang higayon sa mga Ilonggo nga mo-host sa Milo Olympics ug gusto nila nga ipakita ang kanindot sa Iloilo.
Si Iloilo City mayor Jed Patrick Mabilog nagmaya tungod kay may kahigayonan sila nga pamatud-an nga sila ang ‘fitness capital of the Philippines.
“This is an opportunity for us to showcase what Iloilo has to offer.This is a breakthrough for our sports tourism as we bid to be the fitness capital of the Philippines,” matud pa ni Mabilog.
Sa iyang bahin, si Milo Sports Executive Robbie De Vera miingon nga gituyo nila nga ihatag sa Iloilo ang katungod nga mo-host aron usab mapaduol sila sa nagkadaiyang rehiyon sa nasud.
Si MILO Visayas organizer Ricky Ballesteros miingon nga sa pag-host sa Iloilo, midaku iyang pagsalig nga mas mapalig-on pa nila ang Team Visayas nga mosuway pagbawi sa korona sa Milo national finals gikan sa National Capital Region.
Ang tulo ka adlaw nga sporting events langkuban sa 15 ka mga sporting discipline nga naglakip sa arnis, karatedo, athletics, badminton, basketball, football, gymnastics, tennis, swimming, table tennis plus non-Olympic events like sepak takraw, chess, ug scrabble. (BANAT NEWS)
- Latest
