SHS-AdC daog sa semis sa NBTC

CEBU, Philippines - Midaku ang paglaum sa Sacred Heart School-Ateneo de Cebu  nga moduwa sa finals human nila gilubong ang San Beda-B, 76-51 sa semifinal round sa Seaoil-National Basketball Training Center (NBTC) 2015 National Finals didto sa Ynares Gym sa Pasig City.

Ang SHS-AdC sayong nanginit  aron moposte’g     42-22 nga bentaha sa first half, apan ang San Beda mi-rally ug nakan-ang labaw ngadto na lang sa 42-58.

Wala hinuon motugot ang SHS-AdC nga mailog ang labaw kay mibawos sab kini og rally.

Si Pio Longa maoy nangulo sa Sacred Heart sa iyang 16 puntos, samtang sila si Steven Co, Niño Araw-araw ug Jeremy Nacua adunay siyete puntos matag usa.

Ang SHS-AdC sunod makigsangka sa defending champion Chang Kai Shek College.

Kun modaog, ang SHS-AdC moabante sa finals ug ilang harungon ang modaog tali sa National University ug San Beda.  (BANAT NEWS)