Jones nakadepensa sa UFC belt

CEBU, Philippines – Milampos ang giilang pound-for-pound best fighter sa natad sa mixed martial arts nga si Jon Jones human niya gilupig sa puntos ang wrestler nga si Daniel Cormier kagahapon sa Ultimate Fighting Championship 182 didto sa Las Vegas.

Si Jones migamit sa iyang mga hait nga siko ug kusog nga patid aron kulatahon si Cormer nga nangahas pag-ilog sa iyang UFC light heavyweight title.

Sa maong kadaugan si Jones mipalambo sa iyang record ngadto sa 21-1, samtang si Cormer nakatilaw sa iyang unang pilde sa 16 ka away.

Ang 26-anyos nga si Jones padayung nagpaabot sa kun kinsa na usab ang mahimo niyang challenger, apan aduna usab posibilidad nga musaka siya sa heavyweight division. (LPM gikan sa AP) (BANAT NEWS)