Modagan si Algieri
Nagpungasi na ang linabayay og lapok sa politika dinhi sa nasud, apan dili kini maoy atong topic karon.
Hapit na ang sangka ni eight-world division champion Manny “Pacman” Pacquiao ug sa Amerikanong si Chris Algieri sa Cotai Arena sa Macau karong Nobiyembre 23.
Usa ray akong masulti niini, dili basta-basta nga kaatbang si Algieri bisan pa man underdog sa maong sangka. Usa ka utokan nga fighter si Algieri.
Iyaha ning gipamatud-an dihang iyang gipilde si Ruslan Provodnikov nga nakatumba niya duha ka higayon apan nakalahutay hangtod sa 12-rounds aron makuha ang desisyon gikan sa mga hurado.
Sa akong tan-aw susamang estilo ang iyang buhaton tungod kay dunay pagkaparehas ang estilo sa duha. Apan daku ang deperensya sa gikusgon sa kumo ug gipaspason ni Pacquiao ug Provodnikov.
Dili sayon usbon ang estilo sa inawayan sa usa ka fighter, mopatigbabaw gyud kanunay ang natural nga estilo apan madugangan kini sa nakat-onan atol sa preparasyon.
So, expected nako nga modagan si Algieri aron kapuyon si Pacquiao, estilo nga sa akong tan-aw di mosalig sa Pambansang Kamao. Ang ako lang niini mao nga pwerteng taasa og reach advantage ni Algieri.
***
Napakyas ang duha ka mga Pinoy MMA fighters apil na ang Cebuano champion nga si Cary Bullos sa iyang One FC debut fight sa Singapore Indoor Stadium niadtong Biyernes.
Si Carry napilde sa Amerikanong si Major Overall sa 145 lbs weight. Usa ka headkick sa sentido ni Bullos nga gisundan og rear-naked choke maoy nagtapos sa duwa sud lang sa 30 segundos sa round 2.
May pagkaparehas ang resulta sa laing Pinoy MMA fighter nga si Rocky Batolbatol batok sa Australian-Vietnamese nga si Martin Nguyen sa featherweight.
Apan pagsulod sa 2:10 sa round 2 nadakpan ni Nguyen si Batolbatol ug gi-rear naked choke nga miresulta sa kadaugan sa Vietnamese.
* * *
PAGTULON-AN: “Wars may be fought with weapons, but they are won by men,”
-- Gen. George Patton Jr.
- Latest
