CEBU, Philippines - Ang Cebu Football Association (CFA) uban sa Philippine Football Federation (PFF) mopahigayon og Futsal Grassroots and League Development Workshop sugod karong adlawa diha sa CFA office sa dalan R.R. Landon, siyudad sa Sugbu.
Mga eksperto gikan sa PFF nga pangulohan ni Cyril Dopitas, labing labaw sa competitions department, uban ni Porferio Barlas Jr., usa ka futsal referee instructor ug kanhi FIFA referee sa futsal maoy modumala sa duha ka adlaw nga workshop.
Tukion sa maong workshop mao ang basic futsal coaching, refereeing ug league development.
Ang mga interesadong mosalmot mahimong magparehistro usa ka oras sa dili pa sugdan ang workshop.
Alang sa dugang mga pakisayod, mahimong mokontak ni Raffy Musni, chairman sa CFA Grassroots Committee o di ba ni Francis Ramirez, CFA Grassroots Development Officer sa 253-0235.