CEBU, Philippines - Andam na ang tanan alang sa 4th Palarong Pambarangay Inter-sitio basketball tournament nga buksan karong Domingo diha sa Telof Plaza basketball court sa barangay Subangdaku, Mandaue City.
Ontop alas-3 sa hapon, sugdan ang tradisyonal nga parada sa mga partisipanteng koponan gikan sa Mandaue Foam paingon sa Telof Plaza diin ipahigayon ang opening program nga pagatambungan sa mga barangay opisyal sa Subangdaku nga pangulohan ni Brgy. Capt. Ernie Manatad, kinsa gipaabot nga mohatag sa iyang mahinungdanong mensahe ngadto sa mga atleta.
Ning tuiga, 64 ka koponan ang mosalmot sa maong torneyo nga gibuak ngadto sa unom ka kategoriya. Tulo ka teams sa mini, unom sa midget, 17 sa juniors, 20 sa seniors, unom sa 40-above ug 12 sa inter-company division.
Motambong sab si Hon. Rene Tecson, ang chairman sa sports uban sa iyang mga technical committess nga silang Dodod Colina, Richie Tecson, Eric Plazo, Toper Maloloy-on, Marlon Tutoy ug Benjam Jamili ug ingon man ang press relations officer nga si Ashlee James Cortes. (BANAT NEWS)