OKC Thunder naka-una Apan laing tulo ka seeded teams nangapukan
GGM (Banat) - April 21, 2014 - 12:00am

CEBU, Philippines - Gitugotan una sa Oklahoma City Thunder nga makasikit ang Memphis Grizzlies sa wala pa kini nila hingpit ipadaplin ginamit ang mainitong rally sa fourth quarter ug hugot nga depensa aron mokulit og 100-86 nga kadaugan sa Game 1 sa NBA Playoffs sa Western Conference didto sa Chesapeake Arena sa Oklahoma City.

Bugtong ang Thunder lang maoy top seeded team nga midaug sa ilang homecourt kagahapon tungod kay pulos naparot ang laing tulo ka top seeds dihang gibihag sa no. 8 Atlanta Hawks ang no. 1 sa Eastern Conference Indiana Pacers, 101-93 ug midaug ang no. 6 Brooklyn Nets batok sa no. 3 Toronto Raptors, 94-87.

Sa laing Western Conference match-up, midaug ang no. 6 Golden State Warriors batok sa no. 3 Los Angeles Clippers, 109-195.

Mibahug og 33 puntos si Kevin Durant, 13 niini didto sa fourth period aron tabangan ang Thunder nga molampos sa Game 1 ug nakabawos sa Grizzlies kinsa maoy nagtagak kanila sa second round sa miaging tuig.

Midugang pa gyud si Russell Westbrook og 23 puntos ug 10 ka rebounds samtang may 17 puntos si Serge Ibaka lakip sa iyang siyam ka rebounds ug upat ka block shots.

Diriyot unta madiskuhedo ang Thunder kinsa naglabaw og labing menos 25 puntos ug ilang gitugotan ang Grizzlies nga mokisit ngadto na lang sa dos puntos nga biya didto sa fourth period human sa three-pointer ni Mike Miller, 72-74 apan nakabawi ra sab hinoon dayon ang Thunder tungod sa ilang 10 of 16 shots didto sa  fourth.

Si Zach Randolph maoy nangu sa Memphis sa iyang 21 puntos ug 11 ka rebounds apan nakahimo siya'g lima ka fouls.

Miamot si Mike Conley og 16 puntos ug 11 ka assists. Miambit sab og 16 puntos si Marc Gasol ug may 13 puntos si Tony Allen kinsa maayo kaayong nakadepensa ni Durant.

Suwayan sa Thunder sa pagkulit og 2-0 nga bentaha ugma didto gihapon sa Oklahoma City.

Nag-agi una'g kulab ang maong kadaugan sa Thunder dihang gipapas sa Memphis ang ilang dakung biya apan human mopabuhagay ang Thunder og 13-1 run, sila na maoy nagkontrolar sa duwa.

Sayong gibiyaan sa Thunder ang Grizzlies pinaagi sa ilang 29-16 nga abante sa first period og 56-34 nga labaw atol sa halftime.

Ang Memphis maoy mi-iskor sa unang sayis puntos sa second half ug hinay-hinay silang misikit apan wala hinoon nila mailog ang labaw.

Gisaulog sab sa Oklahoma kagahapon ang ika-19 nga tuig nga kasumaran sa pagpamomba didto sa Alfred P. Murrah Federal building sa Oklahoma City.

Wala makaduwa alang sa Memphis ang ilang reserve point guard nga si Nick Calathes kinsa gisuspenso sa NBA og 20 ka duwa   tungod sa kalapasan sa anti-drug policy sa NBA.  Matod pa sa NBA official nga positibo si Calathes sa paggamit og tamoxifen. (BANAT NEWS)

ALFRED P ANG MEMPHIS ATLANTA HAWKS BROOKLYN NETS CHESAPEAKE ARENA OKLAHOMA CITY PUNTOS THUNDER WESTERN CONFERENCE
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with