Duna pay tsansa
Daghan ang na-amazed sa performance sa atong nag-inusarang purong dugong Pinoy nga atleta nga si Michael Christian Martinez, kinsa misalmot sa 2014 Winter Olympics didto sa Sochi.
Usa ako sa nitutok sa iyang pasundayag sukad pa sa unang elimination round niadtong Huwebes sa kaadlawon sa men’s singles short program. Nabutang siya sa ika-19 sa 24 ra ka gipiling skaters gikan sa 30 ka entrante. Nakakuha siya niadto og 64.81 points.
Kagahapon sa kaadlawon, nabutang siya pag-usab sa ika-19 nga pwesto nga nakakuha og total points nga 119.44 sa kinatibuk-ang 184.44 ang iyang natigom sa short program ug 4.30 minutos nga free program.
Sa unang 10 ka performers, nabutang sa top spot si Martinez bisan sa iyang kalinghod. Hangtod nga ni-perform na ang uban pang mas beterano pa niya sa figure skating ug hinay-hinay siyang mius-os hangtod sa ika-19 nga spot sa 24 ka entries.
Bisan wala makakuha og medalya si Martinez, alang sa usa ka Pinoy nga gikan sa nasud nga wala gani snow ug limitado lang ang ice skating rinks, apan nakaabot pa gyud sa final rounds. Daku na kaayo kini nga achievement dili lang kaniya kun dili hasta kanatong mga Pinoy.
Sa edad nga 17-anyos, taas pa kaayo ang purohan ni Martinez nga makalangkat og medalya sa mosunod pang mga Winter Olympics sa dili pa siya mag-edad og 30-anyos.
Tungod kay duna man kita'y tsansa, siguro angayan lang nga tutokan sa atong Olympics committee officials ang "uninterrupted" training ni Martinez.
Kay sa iyang preparasyon sa Sochi, basi sa nanggawas nga balita, daw nagkalisud gyud ang iyang inahan sa iyang trainings aron lang makaabot sa iyang gikahimutangan karon.
Kanimo Michael Martinez, good luck sa mosunod pang kompetisyon! Manghinaut na lang ta nga dunay moabaga sa iyang trainings.
* * *
Nalipay kaayo ko nga adunay migawas nga balitang nibalik ang interes ni Mexican boxer Juan Manuel Marquez sa boksing.
Matud pa sa report ning pamantalaan sa miaging adlaw, mipadayag si Marquez nga gusto niyang sangkaon ang modaog sa Manny Pacquiao- Timothy Bradley 2 sa Abril 12 ning tuiga.
Kay lagi, gusto man siyang mosikat ug moilog sa bakus, gusto niyang sangkaon si bisan kinsa nila ni Pacquiao ug Bradley. Di ba dili na siya gustong makigsangka kang Pacquiao human niya gipakatulog niadtong 2012?
Usa kini ka dakung oportunidad kun gusto makabawi ni Pacquiao. Kinahanglang impresibo niyang pildihon si Bradley aron ganahan usab si Marquez nga makigsangka kaniya.
Usa sa malipay niini kun mahinayon ang Pacquiao-Marquez 5 mao si Floyd Mayweather Jr. kay makalikay na sab siya nga magkuros ang ilang dalan ni Pacquiao.
* * *
PAGTULON-AN: "Everyone can rise above their circumstances and achieve success if they are dedicated to and passionate about what they do." -- NELSON MANDELA, former President, South Africa
* * *
GREETINGS. Congratulation sa Alpha Sigma Omega International Collegiate Service Fraternity sa ika-38 nga anibersaryo niini.
- Latest
