^

Banat Palaro

Reroma nangayo'g pasaylo

Gabby G. Malagar - Banat

CEBU, Philippines - Gitubag ni University of San Carlos (USC) Baby Warriors head coach Britt Carlo M. Reroma ang suwat gikan ni Cebu Schools Athletic Foundation Inc. (CESAFI) president Fr. Manuel L. Uy, SJ kalabot sa iyang pagpasulod ni Scott Aying, kinsa gidid-an sa screening committee nga makaduwa karon nga season tungod sa eligibility issue.

 Sa maong suwat  niadtong Agosto 21, 2013, si Reroma gipangayoan og pamahayag  nganong iya untang pasudlon si Aying bisan daan na kining nasayod nga dili kini kwalipikado si Aying.

 Sumala pa ni Reroma nga igo lang siyang nagtuman sa sugo sa ilang tunghaan nga pasudlon si Aying tungod kay nagtuo ang mga tagdumala sa USC nga kwalipikado siyang moduwa tungod kay gikan man siya sa San Beda College nga dili sakop sa CESAFI.

 Matud pa ni Reroma nga niadtong Agosto 2, nadawat sa USC-North Campus ang usa ka memorandum gikan sa CESAFI screening committee kalabot sa disqualification ni Aying nga gitunol kanila ni USC Warriors head coach Julian A. Macoy.

 Ang maong memo gi-address ngadto kang USC Basic Education director Fr. Felino B. Javines, SVD nga nadawat sa nahisgutang opisina buntag sa Agosto 3, ang petsa sa pagbukas sa CESAFI 13th season.

 Bisan sa kaapeke sa panahon, nakahimo pa si Fr. Javines og padala’g suwat ngadto sa screening committee nga nagpasabot kanila nga mahimong makaduwa si Aying tungod kay ang San Beda dili man sakop sa CESAFI. Ang maong suwat ni Fr. Javines gihatag ngadto kang CESAFI Commissioner Felix O. Tiukinhoy Jr.  Gihatagan sab og kopya si Fr. Uy sa wala pa ang ilang duwa batok sa University of the Visayas (UV) Baby Lancers.

 Atol sa duwa, pasudlon na unta si Aying sa second quarter apan wala kini magpasabot nga dunay dautang tuyo si coach Reroma, apan igo lang siyang nanghinaut nga tugotan sa pagduwa ang maong player.

 "Kun imo nang paduwaon si Aying even for one second I will forfeit your game," matud pa ni Tiukinhoy ngadto ni Reroma.

 Si  Reroma dali nga nangayo'g pasaylo ngadto sa CESAFI board ug mipasalig nga dili na mausab ang maong hitabo. (BANAT NEWS)

AGOSTO

AYING

BABY LANCERS

BABY WARRIORS

BASIC EDUCATION

BRITT CARLO M

JAVINES

REROMA

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with