2012 most charitable star
CEBU, Philippines - Giila karon sa ilado nga website nga DoSomething.org isip "most charitable star" karong tuiga ang singer nga si Taylor Swift.
Gikatahong nagbaha ang mga followers ni Taylor samtang nahimutang usab sa ikaduhang puwesto ang singer-actress nga si Miley Cyrus.
Kahinumduman nga sa miaging tuig, naa lang sa ika-20 nga puwesto si Taylor busa dakong garbo alang kaniya nga nag-una na siya karon sa maong listahan.
Nailhan pag-ayo si Taylor gumikan sa awit niya nga “A Love Story “, "We Are Never Ever Getting Back Together" ,"You Belong with Me" , "I Knew You Were Trouble” ug uban pa. Gihangop usab sa publiko ang version niya sa Christmas song nga “Silent Night”.
Nasayran nga nihatag si Taylor kaniadto og $4 million sa Country Hall of Fame museum.
Sa bahin usab ni Miley, nalakip siya sa listahan gumikan sa pagkalambigit niini sa "Saving Spot! Rescue," nga usa ka non-profit organization nga motabang sa paghatag og panimalay sa mga iro nga wala’y klarong kapuy-an..
Samtang ang mikompleto sa listahan sa Top 10 sa charitable stars mao sila si Channing Tatum, Lady Gaga, Justin Bieber, Pink, LeBron James, Selena Gomez ug Ian Somerhalder.
Simpleng regalo
Simple matud pa ang regalo ni LJ Reyes ngadto kang Paulo Avelino apan gikonsiderar niya kini nga espesyal gumikan kay magamit kini sa aktor matag adlaw.
Lanie mihimakak sa report
Gihimakak ni Kongresista Lanie Mercado ang mga balita nga matud pa nga nagplano si Jolo Revilla ug ang uyab niini nga si Jodi Sta. Maria nga magpakasal sa dili madugay. Suma pa niya nga wala pa kini mahisgoti sa iyang anak.
Kasal gipadaplin una ni Vic
Giklaro ni Vic Sotto nga wala sila magdali ni Pauleen Luna nga magpakasal gumikan kay maabot ra ang saktong panahon alang niini, “Yung kasal, nandiyan naman ‘yan, e. Hindi naman natin alam kung ano ang plano sa atin ng Diyos.,” matud pa ni Vic ngadto sa PEP.
Puno ang schedule
Nagkanayon si Luis Manzano nga grabe gyud ka- hectic ang iyang schedule karong 2013 . “Kaya nga ang wish ko talaga, sana kayanin ko ang sked ko,” hirit pa ni Luis.
Arnel mo-focus sa pag-arte
Tsika pa sa TV host Arnell Ignacio nga ganahan siya mo-focus sa acting karong 2013. Target ni Arnell nga mabaid ang iyang pag-arte gumikan kay taud-taud na siya nga nakapahuway niini.
Basketball ang raket
Ang pagduwa og basketball sa mga lagyo nga probinsiya maoy pipila sa mga raket sa artista nga dili busy. Kini sama nila Carlos Agassi ug Jordan Herrera.
JP wala mahulga
Suma pa ni JP Santos nga wala siya mahulga sa popularidad karon nga naangkon sa iyang uyab nga si Miss Universe First Runner-up Janine Mari Tugonon . Matud pa niya nga dako siya og pagsalig ni Janine busa masaligon siya nga dili maapektohan ang ilang relasyon bisan pa man sa ka-busy sa iyang girlfriend.
TV guestings nagbaha
Gasige og panawat og mga TV guestings si Ryza Cenon busa makita siya sa bisan asa nga show sa GMA 7.
“Kahit puro guestings, okay lang sa akin. Importante may ginagawa ka,” suma pa sa aktres..
First major project
Ang seryeng Never Say Goodbye maoy labing una nga major project sa Artista Academy winners nga sila si Sophie Albert ug Vin Abrenica kung diin pagabidahan kini nila ni Nora Aunor, Alice Dixson, Gardo Versoza ug Cesar Montano.
TVJ target ni Allan
Nagplano karon si Allan Pineda o nailhan isip apl.de.ap sa grupong Black Eyed Peas nga mag-artista dinhi saPilipinas. Kung mahatagan siya og oppurtunidad nga makasulod sa showbiz, gusto niya nga makauban sa usa ka comedy film sila si Tito Sotto, Vic Sotto, ug Joey (De Leon). (Sanden J. Anadia)
Loydie ug Bea ang highest
Basi sa talaan sa third-party tabulator Box Office Mojo ug gimantala sa www.starmometer.com adtong December 24, ang The Mistress nila ni John Lloyd Cruz ug Bea Alonzo ang Highest Grossing Pinoy Movie karong tuiga.
Ang mga pelikula nga nalakip sa Metro Manila Film Festival 2012 hayan dili na ilakip sa listahan sanglit mutadlas pa man hangtud sa unang semana sa January 2013 ang pagsalida niini.
Ang gimantala sa nahisgutang website mao ni:
Highest-grossing pinoy movies for 2012
(As of December 24, 2012)
1. The Mistress
– P262.82-M (Star Cinema)
2. This Guy’s In Love with U, Mare! – P249.1-M
(Star Cinema/Viva Films)
3. UnOfficially Yours
– P157.25-M
(Star Cinema)
4. Kimmy Dora and the Temple of Kiyeme – P133.33-M
(Spring Films/Star Cinema)
5. A Secret Affair – P118.4-M (Viva Films)
6. The Healing – P104.6-M
(Star Cinema)
7. Tiktik: The Aswang Chronicles – P83.35-M
(Reality Entertainment, GMA Films, AgostoDos Pictures)
8. 24/7 in Love – P75.05-M
(Star Cinema)
9. The Reunion
– P68.1-M (Star Cinema)
10. Moron 5 and the Crying Lady – P64.6-M (Viva Films)
11. Born to Love You
– P52.37-M
12. Corazon Ang Unang Aswang – P51.39-M
13. Every Breath U Take
– P50.2-M
14. Suddenly It’s Magic
– P47.19-M
15. D Kilabots – P35.6-M
16. The Mommy Returns
– P30.6-M
17. Boy Pick-Up: The Movie
– P25.37-M
18. Amorosa: The Revenge
– P25.2-M
19. A Mother’s Story – P24.81-M
20. My Cactus Heart – P23-M
21. Off All The Things
– P21.37-M
22. My Kontrabida Girl
– P13.1-M
23. I Do Bidoo Bidoo
– P12.84-M
24. The Witness – P8.6-M
25. Just One Summer
– P6.15-M
26. Hitman – P4.96-M
27. Pridyider – P4.88-M
28. Bwakaw – P1.55-M
29. Rigodon – P1.27-M
30. Ang Nawawala – P1.24-M
31. Captive – P1.11-M
32. Mga Mumunting Lihim
– P774,349.00
33. Sta. Niña – P332,828.00
- Latest
