SSPX ug ang Vatican

Nasubli ang nahitabo niadtong tuig 1988 sa dihang ang Society of St. Pius X kun SSPX ang nikonsagrar ang upat ka mga pari aron mamahimong obispo bisan kun walay pagtugot o mandato sa Roma o sa Santo Papa gyud mismo.

Ang maong mandato kinahanglanon kaayo sa pagpili og obispo sanglit, ang Roma man ang mohukom kun kinsa kadtong pagahimoong obispo.

Ang gihimo sa SSPX usa ka dakong pagsupak sa Santo Papa ug Vicario ni Kristo nga moresulta sa excommunication.

Si Papa Leo XIV ang nihimo og pag-apelar nga kun mahimo dili lang gyud padayonon ang maong konsagrasyon.

Sa pagsugod pa lang daan sa Rito sa Konsagrasyon sa mga bag-ong obispo ang mga SSPX nibasa sa dokumento nga sila ra mismo ang nagmugna. Sa laktod, wala nila ilha ang Roma.

Nagsugod ang tanan sa dihang namugna ang Ikaduhang Konsilyo Vaticano niadtong mga tuig 1960’s hangtud karon. Alang ni Marcel Lefebvre ang modernism usa ka dakong kadaut sa Simbahan labina sa tradisyon niini.

Apan nahitabo gyud ang maong konsilyo sa pasiugda ni San Juan XXIII alang sa usa ka updating sa Simbahan aron mamahimo siyang relevant sa kasamtangang panahon.

Karon atong nasaksihan nga gi-draft na usab ang Bull of Excommunication alang sa SSPX butang nga makapalayo nila ug kanila nga nituo  kanila nga gawas sa Vaticano.

Ang tanan nilang pagsaulog sa mga sakramento mamahimong invalid.

Subo kining maong lakang apan gikinahanglan. Ang atong mahimo alang kanila mao nga ato silang iampo aron makaamgo sila sa ilang dakong sayop.