Panimalos

Binasi: Mt. 5;38-42

Nahimong gubot na gyud kaayo ang atong kalibotan karon.

Dili pa lang dugay atong nasayran nga nagsinukliay og mga missiles ang Israel ug Iran.

Kining maong hitaboa makaingon ta, makapaduslit gyud sa nag-ung-ong nga kasuko sa matag usa.

Daghang kinabuhi na sab ang makalas gumikan ning maong gubat nga walay pagkutat.

Matag usa dunay kaugalingong rason nganong kinahanglan silang motira ug mobomba.

Hangtud nga duna pay armas ug hangtud duna pay baruganan nga dili magpalupig ug hangtud nga duna pay malupigon padayon ang gubot ug gubat ning atong kalibotan.

Unsa kaha no kun ang kabangis baslan og kalumo ug paghigugma?

Maundang ba ang kapintas? O mas mokuyanap pa gyud kini sa hilabihan.

Apan unsanon na lamang ang giingon nga kinahanglang buntogon ang kapintas ug kadautan pinaagi sa paghigugma.

Ang tanang nahitabo karon nisalamin lamang sa panghitabo sa atong kinabuhi ingon nga mga tawo. Kay ang matag usa kanato nahimo mang nakigbatok sa yang kaugalingon.

Ang kawalay pagsabot nip ag-ila sa kaugalingon mao man ang lintunganay kun nganong malisud ug magdumili kita sa pagsabot sa uban.

Ug kun makita pa lamang nato ang Dios diha sa atong isigkaingon, nan mas madali o masayon alang kanato ang pagpaningkamot nga patunhayon ang paghigugma ingon man ang kalinaw.