Tawag sa Paghigugma

Ang atong Ginoo nihatag sa iyang mahinungdanong sugo: “Paghigugmaay kamo ingon nga ako Nahigugma kaninyo!”Kini ang sugo nga gihatag sa atong Ginoo nga applicable kaniadto ug labaw na nga applicable karon.  Tawag ni natong Tanan ug labaw sa tanan ato kining hagit usab. Kay lisud kaayo ang paghigugma labina kun wala nato kini mahupti.

Kasinatian

Uhaw sa paghigugma ang mga tawo karong mga panahona. Daghan kanato ang nagpangita niini ug daghan kanato ang sayop og panlantaw kalabot niini. Ang tawong mahigugmaon mao kadtong tawo nga maantigong maminaw dili lang sa iyang dalunggan kondili usab sa iyang kasingkasing.

Ang tawong mahigugmaon mao kadto bukas ug andam modawat sa iyang hinigugma sa iyang pagka siya gayud. Ang tawong mahigugmaon mao kadtong tawo  nga maantigo mosusi sa dili pa siya mohatag sa iyang panahom ug hukom. Ang tawo nga mahigugmaon mao kadtong tawo nga maantigo mohatag og gahom ingon man modasig sa iyang hinigugma aron makabarog sa kaugalingon niini human makasinati og kapukanan.

Lihok

Sa atong paghigugma sa uban atong higugmaon ang atong kaugalingon. Selfcare is basic ingon tang pulonga.

Pangamuyo

Tanan: Ginoo tudloi kami sa paghigugma ingon nga ikaw nahigugma kanamo. Ikaw nga buhi ug hari hangtud sa  kahangturan. Amen.