Piniliay na usab

Karong adlawa mahitabo ang midterm alections. Sa pangampanya pa lang daan, grabe na kaayo ang mga dinautay ingon man ang mga padungog dungog diha sa social media ug lain pang mga platforms.

Nunot usab niini ang pagpresentar sa mga nagkadaiyang mga plano ug laraw alang kuno sa kaayohan sa nasud ug sa mga katawhan.

Nisibaw usab ang mga panaad nga unta matuman ug dili mamahimong kabahin na usab sa laing budol ug pangilad.

Hinuon sa atong bahin angayan natong himoon kining mosunod:

1.  Pagbansay sa atong katungod sa pagbotar.

2.  Dili nato ibaligya ang atong boto.

3.  Atong pilion ang mga tawo ug politico nga dunay pagmahal sa bandila sa nasud ug dili panatiko sa ilang mga giidolo.

4.  Pagpalamandong ingon man pag-ampo nga unta hatagan kita og mga lideres nga nahasubay sa kasingkasing sa atong Ginoo.

5.  Pagmahal sa Yutang natawhan ug sa nasud nga ipakita diha sa pagpakabana ug dili lang sa pagbuhat og mga butang nga for the sake of compliance.

Hagit alang natong tanan. Atong iampo ang atong nasud, atong iampo ang mga lideres nga ang Espritu Santo molamdag unta kanila.