Nganong lahi ang resulta?

Dunay ni-chat nako kalabot sa magtiayon nga nagpa-deliverance. Daghan kini og pangutana nganong human sa maong deliverance nahitabo man nuon nga daw nigrabe ang ilang sitwasyon daw giatake halos tanang aspeto sa ilang kinabuhi. Nagpasabot ba kini nga wala ma-discern ang ilang kahimtang? Ug ang lintunganay sa suliran? Sa akong bahin mahimong sabton nato kining hitaboa nga:

1. Panimalus kun Retaliation. Ang retaliation mahitabo labina kun ang hingtungdan wala magbinantayon. Kun anaa ang opening sama sa mga negatibong pagbati nga wala ma let go nan, mahimo kining makapalambo sa mga negatibo sa kinabuhi sa tawo. Ang yawa dili buot nga mobalik kita sa Ginoo. Buhaton gyud niya ang tanan aron lamang maluya kita.

2. Pagsulay kun asa kutob ang atong pailob. Ang tawo mailhan sa panahon nga sulayan ang iyang pailob o dili ba sa panahon nga anaa siya sa kaharuhay.

3. Tanang tawo sulayan gayud. Ang suliran sa kinabuhi mahimong duha lamang ang kapaingnan: “ Maduol o malayo sa Ginoo.” Mas maayo nga pilion ang pagpaduol sa Ginoo.

4. Akong gibati ang ilang tumang kaguol. Mao nga akong gipasalig nga mas doblehon pa gyud nako ang pag-ampo alang kanila nga nanginahanglan niini.

5. Sa akong bahin, pasidaan kini nga ang Dios gyud maoy tinubdan sa tanan samtang ako instrumento lamang.

6.    Mahinungdanon kaayo ang pagpamalandong sa dili pa ang bisan unsang pagbuhat. Sa laing bahin, gikinahanglan gyud ang pag-ampo may panginahanglan man o wala.

7. Dili nato pangayoon ang kasulbaran kondili ang kusog nga molahutay batok sa atong mga suliran.

Praktikal nga tambag ni San Juan dela Cruz kalabot sa pag-ampo: “ Never give up prayer and should you find dryness and difficulty, persevere in it for this very reason. God often desires to see what is n love your soul has, and love is not tried by ease and satisfaction."