Focus sa Krus

Maayong Balita

Ang Ebanghelyo ni Juan dunay duha ka mga bahin. Ang book of Signs ingon man ang book of Glory. Ang book of signs naghisgot sa mga Milagro nga gipanghimo sa atong Ginoo diha sa iyang panaw sa iyang public ministry. Ang maong mga buhat ug mga Milagro natapos diha sa ikaduhang bahin sa maong basahon ni Juan nga mao ang Book of Glory nga anaa gyud mismo diha sa hitabo diin ang atong Ginoo nagbitay didto sa Balabag sa Krus panahon  nga siya gilansang. Alang kang Juan Ebanghelista, ang maong hitabo kasinatian sa pagdaug ug dili sa kaulawan.

Kasinatian

Dali ra kaayo kitang maluya sa panahon nga kita mahan-okan sa daghang mga pagsulay. sa makadaghan kita nagbagulbol sama sa mga Israelita sa karaang tugon nga nagbagulbol gumikan sa mga kalisdanan nga ilang nasinati panahon sa ilang panaw padulong say utang gisaad. Hinungdan nga dunay mga bitin nga Malala nga nipaak kanila. Daghan ang nangamatay. Kadtong nakatutok sa bitin nga tumbaga mao lamang ang naluwas. Nga sa ato pa, bisan pa man sa kalisdanan hugtanon lang gyud kitang mokupot ug mosud-ong sa krus sanglit ang kalibutan matay-og man kini , ang krus nga atong gihangop diin gilansang ang atong Ginoo ang magpabilin gihapong malig-on.

Lihok

Tutoki ang Krus diin gilansang ang atong Ginoo. Pasalamat kaniya nga nagluwas kanimo. Pakig-ambit sa maong sakripisyo pinaagi sa paghimo og mga sakripisyo alang sa imong kapasayloan ug sa kaluwasan usab sa uban.

Pangamuyo (awiton)

Dios Namo Sa Kaluoy

Dios Namo sa Kalooy, ikaw ang among Amahan

Magbubuhat, Manunubos, O Ginoo sa ngatanan

Jesus Malooy ka Kanamo!

Pasayloon mo kami!

Ang sala gidumtan namo!

Dili na mag-usab kami

Namatay si Jesukristo didto sa Kalbaryo aron nga kita maluwas, sa kasubo nga daku (Koro)

Pangulo: Nagasimba ug Nagadayeg kami kanimo O Kristo

Tanan: Tungod sa imong Santos nga Krus gitubos mo ang Kalibutan.