Ang tulo ka mga pamaagi sa impiyerno

(Gikan sa libro: His Time is Short: The Devil and His Agenda by Rev. Randall Paine, ORC)

Gumikan sa iyang pagbiya gikan sa Balaang Dapit sa Dios, ang yawa gihinginglan sa langit. Tungod niini ang iyang pagsukol sa Dios nga Labing Gamhanan ang padayon gihapong nanghasi sa mga binuhat nga gihimo segun sa larawan ug dagway sa Dios.

Ang yawa nihangop ning maong mga pamaagi aron sakiton ang si bisan kinsang tawo. Kini naglangkob ning mosunod:

1.  Ang Tigtintal

Si Padre Frederick Faber nihulagway sa tentasyon ingon nga raw material of glory. Ang tintal kun buot hunahunaon mamahimong kahimanan man usab sa pagpalig-on sa atong relasyon ngadto sa Dios ug sa atong pagkamatinud-anon ngadto kaniya.

Tungod niini, gitugotan sa Dios nga sulayon ang tawo. Ang mahinungdanon mao ang pag-edukar sa atong kinaiya ug galamhan. Nga sa ato pa, anaa ang tintal ug mga kaibog sa bisan unsang lumalabay apan wala kini magpasabot nga wala na lang gyud tay mahimo sa pagbuntog niini.

Sa katapusan, anaa man kanato ang gahum sa pagpili, mahimong pilion nato ang kangitngit o pilion nato ang kahayag.

Ang tentasyon mao man ang pagdani sa atong mga hunahuna, sentido ug pagbati sama sa nahiagoman sa atong Ginoong Jesus sa dihang nangandam siya sulod sa kap-atan ka adlaw ug gabii sa wala pa niya sugdi ang iyang kalihukan.

Ang concupiscence mao man ang tendency nato sa pagbuhat og dautan. Matag tawo dunay evil instinct. Hinumdomi nga ang tentasyon dili sala apan kahigayonan sa pagpakasala.