Kanindot unta kun sa tanang panahon ana kita sa presensiya sa Dios diin wala na lang kitay lain pang gihunahuna kondili ang Dios lamang.
Apan ang kalibog usahay sa kalibotan ug ang daghanan kanato tingali ang wala na makasabot kun unsay kahulogan sa kahilom.
Daghan nato ang dili buot og kahilom kini tungod kay:
1. Diha man gud sa kahilom atong makita ang atong samarang kaugalingon.
2. Sakit usahay ang kamatuoran bisan pa man kun kini naghatag og kagawasan.
3. Hadlok kita sa kahilom kay naanad man kita sa masabang kalibutan.
Diha man gud sa kasaba usahay dili nato makita ang tinuod nga kahimtang sa kinabuhi.
Kay ang kasaba nahimo mang diversion aron makalingkawas sa sa gihambing kasakitan.
Salamat kaayo sa Ginoo nga nahatagan ako og kahigayonan nga mahimamat ang mga kamadrehan sa Carmelites.
Daw sa malisud tugkaron nga sulod sa daghang mga katuigan padayon silang nagpabilin sa sulod bisan pa man kun sila tiguwang na kaayo. Dios Solo Basta alang kanila paigo na ang Dios.
Dili man tuod kita mamahimong mga monghe o mongha apan atong hinumdoman ang kun atong tugotan ang Dios nga maoy modumala kanato mamahimong smooth sailing unta ang tanan.