Minor de edad dili makabaligya og property

Dear Atty. Divine,

Ang akong pag-umangkon nga minor de edad  wa nay mga ginikanan ug naa kini karon magpuyo kanako isip iyang iyaan. Ang iyang mga ginikanan adunay gibilin kaniya nga house and lot ug aduna say sakyanan. Namatay ang iyang parents tungod sa aksidente 3 years ago.

Karong bag-o adunay mi offer nga ilang paliton ang house and lot. Mitambag ko sa akong pag-umangkon nga mas maayo nga iyang ibaligya aron naa siyay makuot nga kwarta sa iyang pag-eskwela. Ang akong pangutana kun mamahimo ba siyang mopirma sa Deed of Absolute Sale nga 16 anyos pa man siya?  Daghang salamat. — Margie

* * *

Dear Margie,

Basi sa atong Civil Code, ang minor de edad dili mamahimo nga makapirma og bisan unsa nga kontrata og kasabutan lakip na ang pagpirma og Deed of Absolute Sale kay wa siyay legal capacity. Kana maoy nalatid sa Article 1327 sa Civil Code nga nagkanayon:“ Unemancipated minors and insane or demented persons, and deaf-mutes who do not know how to write cannot give consent to a contract.” Busa kun iyang ipadayon ang pagbaligya sa maong property pinaagi sa pag execute og Deed of Absolute Sale then mamahimong void or dili valid ang maong pagbaligya.

Ang maayo niyang buhaton mao ang pagpaabot nalang nga mamahimo siyang 18 years old una niya ibaligya ang maong house and lot nga kabilin sa iyang mga ginikanan. Lain ninyong opsyon mao ang pag file og Petition sa korte for guardianship aron korte motudlo og guardian alang sa imong pag-umangkon ug sa iyang property apan taas kini nga proseso ug kinahanglan pa sab og approval sa korte kun ibaligya sa guardian ang property sa bata. Thank you and God Bless. — Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.