^

Banat Opinyon

EDITORYAL - Sala sa mga nangaging local officials

Banat
EDITORYAL - Sala sa mga nangaging local officials

Dako kaayong trabahuon para sa kagamhanan sa Dakbayan sa Sugbu kining clearing operations sa mga kasapaan niini aning mga estrakturang gitukod sulod sa 3-meter easement zone. Sa pagkakaron, gatosan ka mga panimalay nga gitukod sa kilid sa mga sapa ang natangtang na human boluntaryong mibiya ang mga residente.

Apan dili kini mahitabo kun dili pa sa kompromisong gihimo sama sa paghatag sa mga apektado og kabalhinan. Dali ra kini kun dunay suporta ang nasudnong gobiyerno ug andam ang lokal nga kagamhanan pagtabang sa mga maapektahan. Ang pagpapahawa kanila gikan sa lugar, para kini sa ilang kaluwasan tungod sa peligro matag mobunok ang kusog nga uwan kay mosaka ang tubig ug duna nay mga hitabo nga nabanlas ang mga balay ug duna na say nakalas.

Samtang sayon lang kini kun mga residensiya ang apektado, dili kini madali para sa mga dagkong establisamento kansang lote naa kilid sa mga sapa.

Ang uban nituman sa 3-meter easement zone apan wala mahimo sa uban tungod kay hasta man ang mga tupad nila nga mga luna niokupar naman sab sa kilid sa mga sapa.

Dunay uban nga nagtukod gyud og estraktura ibabaw gyud mismo sa mga sapa mao nga dili na makita ang sapa tungod kay tua na sa ilawom sa ilang buildings o gitukod nga parkingan sa mga sakyanan.

Ang uban aning mga dagkong establisamento dili dayon makatuman sa notice of violation nga buot pakorihian kanila tungod sa kadako sa kinahanglang gastuhon pag-usab sa estraktura sa ilang mga buildings.

Una sa tanan, dili angay pakasad-on kining mga magpapatigayon kansang mga estraktura nasulod sa 3-meter easement. Kay una sa tanan, samtang tuod duna nay balaod bahin niini karon, apan dunay uban nga mas una natukod ang mga edipisyo sa wala pa kining mga balaora.

Sad-an sab ang mga nangaging lokal nga mga opisyales sa barangay ug sa siyudad kaniadto kay sila mismo nagbaya sa ilang trabaho.  Kani maoy dako-dako og hagit sa habig sa Task Force Gubat Batok sa Baha sa Cebu City nga gipangulohan karon ni kanhi environment secretary Roy Cimatu. Hinuon kun dunay political will ang mayor sa siyudad, dili kini imposibleng makab-ot sanglit walay negosyanteng gustong makigtigi batok sa gobiyerno kun subay kini sa balaod.

DAKO

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with