^

Banat Opinyon

Idlas nga hustisya parang Skyler

ARANGKADA - Leo Lastimosa - Banat

Usa sa kapin sa 30,000 ka biktima sa laktod nga pinatyanay sa kampanya ni kanhi Presidente Rodrigo Duterte sa drugas, nga duha pa lang ka kaso ang malampusong nikonbikto sa mga polis, mao ang 4 anyos nga si Skyler Abatayo sa Bato, Ermita, Cebu City.

Naghimo si Skyler og assignment sud sa ilang pinuy-anan dihang naigo sa bala gikan sa kapolisan sa Carbon nga nangangkon nga nitubag og alarma sa drugas. Pero gitumbok sa mga silingan nga ang polis nga nakapatay ni Skyler nadakin-as ug nakapabuto sa iyang armas.

* * *

Di masaaron ang dangatan sa mga kasong kriminal ug administratiba nga gipasaka sa National Bureau of Investigation (NBI) batok sa mga polis sa Carbon niadtong 2018. Kay duha ka adlaw human napakasa ang mga kaso, girelibohan ang regional director sa NBI Central Visayas nga si Atty. Patricio Bernales Jr.

Gidudahan nga ang paglabay ni Bernales ngadto sa Northern Mindanao maoy premyo sa iyang pagpangahas pagkiha sa mga sakop ni Koronel Royina Garma, hepe sa Cebu City Police Office (CCPO) niadtong higayona, kinsa gihulagway nga suod kaayo sa kanhi presidente.

* * *

Ang pagka konbikto sa tulo ka polis sa pagpatay ni Kian Delos Santos niadtong 2017 ug sa duha ka polis sa pagpatay nilang Angelo Arnaiz ug Reynaldo De Guzman sa samang tuig makadasig sa mga tagtungod sa ubang mga biktima nga may paglaom sa hustisya.

Pero samtang usa ka tuig rang husay sa kaso ni Delos Santos, lima ka tuig una nahumang kaso nilang Arnaiz ug De Guzman. Kinabag-an sa mga kaso wa kasimhot sa korte tungod sa pagtabon sa kapolisan ug paghudlat sa mga testigo.

* * *

Nahilom na ang mga kaso sa mga polis sa Carbon: Falsification by a public officer, dereliction of duty, obstruction of justice ug grave misconduct batok ni kanhi Carbon Police station chief, Senior Insp. John Kareen Escobert; dereliction of duty batok ni PO1 Rey Van Dadula; ug reckless imprudence resulting in homicide PO1 Wilbert Perez.

Bisan sa iyang mga kaso, si Escobert kaduha na-promote ug naghupot na sa ranggong lieutenant colonel. Samtang padayong nangaliya og hustisya ang mga ginikanan ni Skyler nga 8 anyos na unta karong tuiga.

* * *

[email protected]

DRUGAS

NBI

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with