^

Banat Opinyon

Oplan Disiplina

AMBOT LANG - Gerry Auxilio - Banat

Gisugdan sa pagpatuman ni Cebu City Mayor Michael Lopez Rama ang gilusad niyang Oplan Disiplina niadtong Sabado Oktobre 1, 2022.

Ang Oplan Disiplina,  sa akong pagsumada, pagpatuman kini sa mga ordinansa sa siyudad ingon man balaud sa nasud nga nagtumong sa pagpahaum sa disiplina.

Ubos sa ordinansa sa siyudad gidili ang pagpataka og pangihi, pagpangluwa, paglabay og basura, pag-inom daplin sa dalan, paghukas-hukas, pagpanigarilyo sa mga pangpublikong dapit, pagpataka og parking, pagpataka og tabok sa dalan ug uban pa.

Ubos sa Oplan Disiplina, gitahasan sa mayor ang kapolisan ug armadong kusog sa nasud sa pag-abag sa nagkalain-laing departamento sa siyudad ug ahensiya sa nasudnong kagamhanan.

Ang Oplan Disiplina gitumong usab sa pagkab-ot sa mayor sa iyang damgo nga Singapore-like nga dakbayan sa Sugbo.

Kun relihiyoso pa unta nga gipatuman sa dakbayan sa Sugbo ang mga ordinansa ug nasudnong balaud nga nahisgotan labing seguro wala na kinahanglana sa mayor ang paghimo sa siyudad nga Singapore-like.

Kun wala pa lang unta pakatulga sa siyudad ang iyang mga ordinansa labing seguro nadisiplina na ang mga Sugboanon ug ang mga dumuduong. Unsaon man nga ang pagpatuman sa mga ordinansa sa siyudad gipariha man sa suga nga palungon ug pasigaon.

Ang akong kabalaka, dili kaha mapariha ang Oplan Disiplina sa mga ordinansa sa siyudad nga mokalit lang pod og kahilom o kapawong? Mao ni ang hagit ngadto sa mayor. Ang pagpadayon sa iyang kaagresibo ug kaikag sa pagpatuman sa Oplan Disiplina, makaabot kaha og tulo ka buwan?

Hinuon akong nakita ang ka seryoso sa Mayor sa iyang damgo nga Singapore-like ug porsigido kini sa iyang pagkab-ot niini. Sa maong direksiyon peligro nga mawagtangan og trabaho ang mga trabahanti sa City Hall nga dili monunot sa iyang gusto. Good luck na lang sa Oplan Disiplina.

OPLAN DISIPLINA

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with