^

Banat Opinyon

Suga

MGA LAMAS SA KINABUHI - Fr. Rey Cui - Banat

Pinasikad sa Mateo 5;13-16

Ngitngit gyud tuod kun walay suga. Ang dagitabnong kalisdanan maoy sukaranan sa pagpangapkap sa mangitngit nga dapit sa kawalay kasegurohan. Ang atong atong kahimtang karon matawag natong dulom pa sa alkitran. Ang mga kahangawa nga kanato nihimo og kalisod.

Ang mga suliran nga naghatag og daman sa atong paghikatulog, ang mga kantalita ug biay biay gikan sa mga tawong kansang ulo daw itlog nga way pughak mao man ang nakapasamot sa atong tinguha nga mobiya na lamang sa hingpit gikan ning kalibotan sa mga buhi nga nagbangotan. Kini tungod kay mas gipili man sa kadaghanan ang kangitngit kaysa kahayag.

Ug kun ugaling maningkamot kang mamahimong usa ka kahayag alang unta sa kadaghanan mamahimong pawongon ang imong gilaw aron sa gihapon mohari ang kangitngit. Kay sa kangitngit man gud makapatuyang man ang tawo sa paghimo sa iyang mga tinonto.

Mao nga gikinahanglan gyud ang SUGA sa atong kinabuhi. Ug kini nagpasabot man og:

Sincerity kun ang pagkamatinud-anon diha sa matag tinguha sa pagpangalagad ug paghimo og  maayo.

Understanding kun ang pagsabot sa limitasyon sa matag paningkamot ug sa kahimtang gyud mismo. Kun Hanap ang pagsabot lisud ang pagdawat ug pagsunod.

Growth kun ang pagtubo. Mahinungdanon ang pagtubo sa tawhanon ug espirituhanon nga aspeto sa usa ka tawo. Kun wala kining mga butanga padayong anaa sa kangitngit ang hingtungdan niini.

Availability diha sa pagpaminaw ug pag-alagad sa mga tawong nagkinahanglan. Usahay tungod sa kakapoy kita makabagulbol apan wala kini magpasabot nga kita mamahimong tapulan na lang gyud hangtud sa hangtud.

Lisud ning maong kawsa labina kun daghan sa atong mga kaigsuonan ang nawad-an na sa pagsalig ug kita mismo gikapoy na apan sa matag kangitngit anaa man ang bidlisiw ni Haring Adlaw.

SUGA

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with