^

Banat Opinyon

Exploited

AMBOT LANG - Gerry Auxilio - Banat

Nagsugod na sa ilang pagpangulitawo sa mga tawo ang mga kandidato sa nasudnon nga piniliay. Bisan wala pa magsugod ang kampanya sa mga kandidato sa lokal nga piniliay ang mga kandidato niini nagsugod na usab sa ilang pagpangolitawo ngadto sa mga tawo.

Kasagaran sa mabunlot sa lider sa mga kandidato sa matag panahon nga sila mangampanya mao ang mga kabus. Ang mga kabus mao ang kanunay nga bida sa mga pulong-pulong.

Sila ang sanglitanan sa mga kandidato sa ilang mga diskurso nga ilang tabangan aron mapataas ang kalidad sa ilang kinabuhi pinaagi sa paghatag og panginabuhian.

Siguro tungod kay mayorya sa katawhan sa nasud mga kabus maong sila ang bida matag panahon sa piniliay apan human sa piniliay dili na sila mahinumdoman. EXPLOITED. Luoy ang mga kabus kay igo lang pahimuslan bisan pa sa piniliay.

Ang mga kabus nga nakasabot nga igo lang gipahimuslan, nakahuna-huna og pang alkontra sa mga kandidato nga mapahimuslanon ug kini ang bayad sa ilang boto.

Akong nadungog gikan kanila ang ilang rason sa pagdawat og salapi panahon sa piniliay. Ilang giingon nga ilang dawaton ang salapi nga ihatag nila panahon sa piniliay tungod kay human sa piniliay ang mga nakadaug dili na makahinumdum unya mangawkaw pa gyod.

Hinuon, dili tanan nila ang mobotar sa kandidato nga mihatag nila og salapi kay ang uban kanila wala magpadiktar sa salapi nga ilang nadawat.

Adunay uban nga botante nga mobotar gihapon sa kandidato nga ilang gitoohan nga maayong modala sa renda sa kagamhanan ug dili tungod sa kadako sa salapi nga ilang nadawat. Aduna pod uban nga nagpakahilum lang.

Hangtod dili mahuman ang pagpahimulos sa mga kandidato sa mga kabus panahon sa piniliay dili gyod pod mawagtang ang pinalitay sa boto panahon sa piniliay. Busa aron mawagtang ang pagpahimulos, wagtangon pod ang suliran sa kakabus.

BISAN

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with