_banat
^

Banat Opinyon

Pabilin kamo ug pagtukaw

MGA LAMAS SA KINABUHI - Fr. Rey Cui - Banat

“Miabot si Jesus sa tanaman sa Getsemane uban sa iyang mga tinun-an ug miingon siya kanila. Panglingkod kamo dinhi samtang mag-ampo ako. Unya iyang gipauban kaniya sila si Pedro, Santiago ug si Juan. Gibati niya ang tumang kaguol ug kabalaka ug miingon siya kanila, dako kaayo ang akong kasubo nga halos ikamatay ko. Pabilin kamo dinhi ug Pagtukaw. (cf. Mk. 14;32-34b)”

Talandugon ang kahimtang sa matag tawo. Matag usa kanato dunay panginahanglan ug dunay mahimo sa matag panginahanglan usab sa uban. Tinuod ang kahingpitan sa matag usa makab-ot lamang diha sa kalambigitan nato sa atong isig ka ingon nga sama kanato mihatag pud og bili sa atong presensiya ug sa atong tawhanong katungod.

Apan wala kini magpasabot nga ang kahiusahan atong sabton ingon nga managsama.

“Unity in Diversity” matud pa sa panultihon. Apan subo lang palandungon kay daghan sa mga tawo ang dili moila ni motahud niini. Buot sila nga ang tanan magasukad gyud sa ilang kagustohan ug kapritso.

Busa ang Ginoong Jesus nagahagit man kanato nga kun mahimo kinahanglang magpabilin ug magtukaw. Isip parianong lungsod atong tawag ang magtukaw aron paghalad og mga pag-ampo nga unta ato gihapong Makita ang bidlisiw sa kahayag sa paglaum labina ning mga panahona karon.

Angayan ba kitang mahadlok? Ang tubag nagagikan gyud mismo sa atong Ginoong Jesus diha sa iyang pag-ingon: “Ug tudloi sila sa tanan nga akong gisugo kaninyo. Ug hinumdomi ako magauban kaninyo hangtud sa katapusan sa kalibutan! (cf. Mt. 28;20)” Taliabot ang Ginoo busa mangandam kita ug ang tukmang panahon, mao man ang KARON.

Christus Vincit, Christus Regnat, Christus Imperat!

Pag-ampo ang anima Christi

Kalag ni Cristo, santosa ako

Lawas ni Cristo, luwasa ako

Dugo ni Cristo, buyoha ako

Tubig gikan sa kilid ni Cristo hugasi ako

Kasakitan ni Cristo, lig-ona ako

O maayo nga Jesus pamatia ako.

Sulod sa imong samad, tagoa ako

Ayaw itugot nga mahimulag ako kanimo.

Gikan sa kaaway nga dautan panalipdi ako.

Sa takna sa akong kamatayon, tawga ako.

Ug sa pagbut-an mo, makadangat ako kanimo.

Aron uban sa imong mga santos, daygon ko ikaw hangtud sa kahangturan. Amen!

CHRIST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with