Waning vaccine efficacy

Unsa man ni? Ang “wane’ nagkahulogan og (v) fade away, weaken, dwindle, decline, diminish. Sa ato pa, literally, nagkahinay, nagkahanaw, nagkaluya.

Ug mahitungod sa efficacy sa vaccine, atong masabot nga nagkahanaw na ang pagka-epektibo sa ika-unom ngadto sa ika-walo nga bulan tapus sa pagbakuna.

Ania kining usa ka headline sa Philippine Star: “Vaccine efficacy wanes after 6-8 months; boosters pushed.”

Gumikan niini, gipanghingusgan na ang mga sugyot nga ipatuman na ang mga booster shots, o kining pagpaturok sa ikatulong dose.

Kinahanglan hatgan kini sa mga pagtagad sa mga health authorities kay daghan na ra bang senior citizens ang na-fully vaccinated na.

Sa America, ug lagmit sa ubang kanasuran sa gawas, nag-administer na sila sa mga booster shots. Dinhi sa ato, it seems nga  gitun-an pa sa mga health authorities kon gikinahanglan ba gayud ang booster shots, ug kon gikimahanglan man, aduna ba kitay igong gidaghanon sa mga vaccines alang niini.

Daghan pa ra ba kaayo ang wala pa mabakunahi. Ang uban kanila, first dose pa.  Ang nag-rekomendar niining pagpabakuna sa ikatulong dose, mao ang Vaccine Expert Panel (VEP), nga matud pa, unahon ang mga vulnerables sama sa mga health workers, ug sa lain natong nasayran, ang mga senior citizens.

Hinuon, matud ni Rontgene Solante, usa ka sakop sa VEP, “there are already surplus of vaccine supplies,” nga mahimo nang ipaturok ngadto sa mga health workers nga dili kaayo daghan.

Ug ania: As of Oct. 30, mga 104 million vaccine doses ang nangabot nganhi sa atong nasud; 59.13 million doses ang napaturok na; mga 31.82 million ang nakadawat sa unang dose, ug kapin sa 27 milyones ka Pinoy ang fully vaccinated na.

Samtang, mga 2,700,000 Sputnik V vaccines ang nangabot gikan sa Moscow Kini ang labing daku nga shipment sa Russian made nga vaccine. Ang nasud nagpaabot og dugang 50 million doses sa dili patapos karong tuiga.

Giingon dinhi nga kadto kunong mga tubig-tubigan nga Pilipino, naglaraw pag-adto sa America aron adto sila didto magpa-booster shots with the vaccine brand of their choice.  Sa ato pa, maniguro sila nga maka-third dose sila gumikan sa kabalaka nga kono, sa ubang nasud, sama sa Israel, regardless sa brand sa bakuna, gikinahanglan gayud ang third dose.

Ang Singapore ug ang Thailand nagsugod sa ilang pag-administer sa booster shots sa niagi pang September, ang Malaaysia sa niaging bulan.

Ug ania, ato kining kutloon: “The government is still studying the safety of mixing and matching brands, with the study outcome expected next year.”

Laing pagtuon ang gihimo karon, kon mahimo ba nga isagol (mixing and matching) ang lain nga brand sa vaccine alang sa ikatulong dose.

Sa ato pa, kon Pfizer ang bakuna nga imong nadawat sa unang duha ka doses, mahimo ba nga Sinovac ang ikatulong dose?

Ug ania, kon ma-arang-arang na ang atong kahimtang, dili maayong ikompiyasa, kay matud sa OCTA, “a surge is still possible, especially if there are super spreader events during the holiday season and the election campaign.”

Alang nako, gikinahanglan mas istriktong pagpatuman sa mga health standards tungod kay mga tawo manggawas na gikan sa mga panimalay, ug mahitabo na ang mass gathering ug  maka-constitute na sila nga mga super spreader sa virus.