^

Banat Opinyon

EDITORYAL - Burial assistance sa siyudad

Edwin Ian Melecio - Banat
EDITORYAL - Burial assistance sa siyudad

Maayo kining planong usbon ang sistema sa paghatag sa burial assistance sa Cebu City ngadto sa mga nagilaid sa kalisod nga nawad-an og kabanay tungod sa coronavirus disease.

Kaniadto, ang tagtungod pa maoy mohikay aron makakuha sa maong hinabang sa siyudad bisan wala pa kining pandemiya.  Apan karon buot nilang ang siyudad na maoy moduol sa mga namatyan aron pagtunol sa cash assistance o limos gikan sa siyudad.

Sila pay mangita sa mga gikinahanglang kompletuhon nga mga suportang dokumento tungod kay kung wala niini dili sila maaprubahan o madugay ang paghatag sa hinabang.

Maayo nga nakahunahuna ang mga opisyales diha sa siyudad kay karong panahona nga dunay pandemiya peligro kaayo ang paggawas-gawas.

Dili lalim ang maglinya-linya diha sa nagkalain-laing mga opisina sa gobiyerno aron paghipos sa mga gikinahanglang papeles ilabi na kun walay ideya ang nagproseso niini kun unsay buhaton.

Gawas nga peligro para sa naglinya, duna gyu'y tsansang basin nataptan sab sila sa maong sakit ug wala masayod niini. Sa ilang pagbalhinbalhin unya sa mga nagkadaiyang buhatan makatakod na hinuon sila didto ug modako na hinuon ang problema. Para sa uban nga tubig-tubigan gamay ra kaayo kini nga P10 mil nga financial assistance maong wala kaayo sila maghikutar niini.

Apan dako na kaayo kini o basin mao ra say gisaligan sa mga nag-ilaid nga mga Sugboanon aron mahatagan bisan nalang og lungon ang ilang namatay nga kabanay gikan sa maong sakit.

Sa pag-igo sa pandemiya, daghan sa mga tawo ang nawad-an og panginabuhian ug ang uban hangtud karon wala pa gihapon makabangon sa hingpit gikan sa pagkahagba. Bahala og medyo nalangan pagkaamgo sa mga opisyales sa dakbayan ang importante mas sayon na lang karon para sa mga namatyan kay modawat naman lang sila sa hinabang dili sama kaniadto.

Maayong tun-an og maayo sa mga kadagkoan sa siyudad kun unsay kalainan sa paghatag nila og  burial assistance sa mga kabus nga konstituwente sa wala pa ang pandemiya ug sa karong naa nay pandemiya.

Tungod kay mas labing maayo nga himuon kining permanenteng sistema, may pandemiya man o wala aron makuhakuhaan ang mga hunahunaonon sa mga nagbangutan.

BURIAL

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with