_banat
^

Banat Opinyon

EDITORYAL - Binuhat sa Pinoy

Edwin Ian Melecio - Banat
EDITORYAL - Binuhat sa Pinoy

Daghang makuhang pagtulon-an nga angay himoan og aksyon ang gobiyerno sa Pilipinas sa pandemiya sa Covid-19.  Ang maong sakit nga nipakamang sa ekonomiya sa kalibotan ug mikalas og daghang kinabuhi daw hunasan sa dagat nga sa pag-atras sa tubig nigimaw ang mga kabatohan.

Tungod sa pandemiya nakita ang kakuwangon sa nagkadaiyang mga nasud pagpugong sa ingon niini kaagresibong virus hinungdan nga milyon-milyon ka tawo ang natakboyan.

Milanat na og kapin na usa ka tuig nagpadayon gihapon kini og pagpanakod ug mipatay og mga tawo. Dinhi sa Pilipinas, mas gikinahanglan gyud sa gobiyerno magtukod og kaugalingon niining grupo sa mga ekspertong medical nga manukiduki pagdiskubre og bakuna. Ang pandemiya sa Covid-19 dili lang mao ang kataposang pandemiya nga moigo sa Pilipinas sa umaabo nga panahon. Daghan pa unya ug posibleng mas agresibo pa sa maong virus.

Kung magpadayon kining kasamtangang sitwasyon sa nasud ug dili korihian aron mangandam sa mosunod pang mga pandemiya, makaluluoy napud ang Pilipinas nga magpinaabot sa bakuna nga binuhat sa ubang nasud.

Ang gikinahanglan lang nga mangita ang gobiyerno ug nasud nga interesado ug gustong motabang aron palambuon ang kapabilidad sa Pilipinas nga makahimo og kaugalingong research pagdiskubre og bakuna.

Dili kinahanglang ang gobiyerno gyud mismo maoy molihok para niini tungod kay mahimo man nga mangita kini og mga pribadong pharmaceutical companies dinhi sa nasud nga makig-partner aron magtinabangay pagpanukiduki og bakuna sa bisan unsang matang sa mga sakit.

Daghang mahimo ang Pilipinas pagtabang dili lang sa nasud kondili hasta  na sab sa kalibotan tungod kay dili ikalimod nga daghang mga banggiitang Pilipinong mga doktor ug siyentipiko ang hilom lang nga nakatampo.

Subo lang nga pirme lang naa sa likod ang mga Pilipino bisan og dako sila og kontribusyon apan tungod kay empleyado ra sila sa mga kompanya wala sila mahatagi og igong pag-ila.

Pero kung duna nay kaugalingong kapabilidad ang Pilipinas, gawas nga mailhan sab kini sa kalibotan sa medisina, makatabang kini dayon sa panginahanglanon sa nasud kun duna na say  bag-ong pandemiya. Dako sab kining garbo nga tawgong “Made in the Philippines.”

PINOY
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with